Produtor sira kafé nian hamutuk
36 hosi munisípiu Aileu, iha súl Díli nian, kompete iha semana ne'e iha prova
sira kualidade nian, ho vensedor sira ikusmai sei tuir ba konkursu nasional
ida, iha eventu ne'ebé komemora kolleira tinan 2020 nian.
Inisiativa hanesan hosi projetu
portugés Quinta de Portugal, selu ho implementa hosi Institutu Camões, no
ne'ebé iha tinan ne'e halo serbisu tinan 20 ona iha Timor-Leste hodi hadi'a
produsaun hosi área agríkola nasional.
iha aldeia Hularema (Seloi
Malere), iha Aileu, iha kilómetru 40 hosi súl Díli nian, projetu Quinta Portugal
hakarak kontribui hodi hadi'a seguransa alimentar nasional liuhosi aumentu hosi
rendimentu sira hosi komunidade rural sira.
Projetu aposta iha
diversifikasaun hosi nia produsaun agroflorestal sira ho fortalesimentu hosi
kadeia sira merkadu nian, estimula prátika hosi téknika sira konservasaun ho
jestaun sustentável hosi rekursu natural sira.
Iha kuadru ne'e, ho kolaborasaun
ho Asosiasaun Kafé Timor, Quinta Portugal promove iha loron-kinta kompetisaun
ida ho produtor lokal sira kafé nian na'in 36 ho ronda ikus hosi klasifikasaun
nian ne'ebé sei buka na'in tolu ne'ebé di'ak liu.
Lote kafé ne'ebé manán sei hetan
homenajen durante serimónia badak ida iha Aileu, iha loron 15 Setembru, no sei
avansa ba kompetisaun nasional ne'ebé hala'o iha Novembru.
Hanesan, tuir esplika hosi
projetu iha nota ne'ebé haruka ba Lusa, hodi promove "teknolojia sira hodi
hadi'a kolleita ho prosesamentu kafé arábika nian hodi aumenta kualidade kafé
rezistente ne'ebé produzidu" no nune'e "bele hetan klasifikasaun hosi
kafé espesial".
Iha semana oinmai, iha Aileu, sei
fó hatene prosesu sira hosi servisu sira ne'ebé hala'o, deskoberta sira ho
rezultadu sira ne'ebé hetan hosi grupu sia hosi produtor sira kafé arábika nian
hosi suku sira Seloi Malere (grupu tolu, produtor na'in 12) ho Manucasa (grupu
neen, produtor na'in 24).
Ho apoiu hosi Quinta de Portugal
ho Sentru Treinamentu ho Rekursu Aileu nian (CTRA), grupu sira hosi Manucasa
hahú ona kolleita tinan ne'e prosesu hodi "hadi'a téknika sira
prosesamentu kafé rezistente nian, hodi hetan produtu ida ho kualidade superior
ne'ebé bele garanti folin ida fa'an ne'ebé aas".
Apoiu sira ne'ebé fó hosi ekipa
téknika sira hosi Camões inklui disponibilizasaun hosi mákina sira ho
ekipamentu simples sira seluk ba prosesamentu kafé nian, treinu ho
akonsellamentu tékniku semanal.
Asosiasaun Kafé Timor (ACT)
hamutuk ba inisiativu hodi avalia kualidade kafé nian ne'ebé produz no hodi
estabelese "ligasaun sira ba komprador potensial sira kafé nian ne'ebé iha
interese hodi serbisu hamutuk ho produtor sira ba valorizasaun ho hadi'a
kualidade kafé nian ne'ebé produz hosi kafékultor sira, hodi motiva sira hodi
nune'e bele kontinua servisu ne'e hodi aumenta kualidade hosi nia kafé",
esplika hosi Quinta Portugal.
"Atividade hatudu produtivu
tebes, ho jeneralidade hosi kafé pergamiñu ne'ebé halo hatudu di'ak maka'as iha
nia kualidade ho 1/3 hosi produtor sira hetan ona nível sira hosi kualidade
aas, nune'e hanesan indikativu di'ak hosi dalan ida ne'ebé tenki halo tuir hosi
ema tomak", destaka.
Asosiasaun Kafé Timor hanesan
organizasaun ida lahó final lukrativu ne'ebé konstitui ho jere hosi grupu hosi
ema sira no empreza sira ne'ebé hadomi kafé.
Kria iha tinan 2016, asosiasaun
halibur iha nia membru sira barista, torador sira, komersiante sira, esportador
sira ho kafekultor sira.
Grupu nia objetivu hametin nia
relasaun ho Ministériu Agrikultura ho Peska, kria dalan foun sira ba merkadu
sira hosi kafé espesial sira ho dezenvolve marka kompetitivu ida hosi kafé ho
profisional kafé nian, foka iha asaun sira valorizasaun ho hadi'a kualidade
hosi kafé ne'ebé produz.
Sapo TL | Lusa
Sem comentários:
Enviar um comentário