Estanislau promete hadia programa “Povu Kuda Governu Sosa”

DILI - Ministru kordenador estadu asuntu ekonomia no Ministru Agrikultura  Pescas, Estanislau Aleixo  da Silva hateten programa povu kuda governu sosa nudar programa importante ida atu dezenvolve agrikultor  sira tanba ne’e sei halo kordenasaun ho MCIA hodi hamosu fali programa ne’e. “Konaba povu kuda governu sosa hau hanoin asuntu ne’e importante sei kolia ho ministru MCIA halo nusa mak bele halo kordenasaun servisu diak liu tan,” Ministru kordenador estadu asuntu ekonomia no Ministru Agrikultura  Pescas, Estanislau da Silva informa ba jornalsita sira segunda 20/04foin lalais ne’e.

Nia dehan produtu ne’ebé povu kuda governu sosa maibe laos povu kuda no  ba tau iha armajen to’o buat sira ne’e sai dodok hotu maibe sei halo kordenasaun diak atu bele sai diak liu tan. Nia dehan nia parte sei hadia program ne’e oinsa bele dezenvolve povu agrikultor sira hodi produs ho diak no makas.

“Buat sira ne’e hotu ami sei hare fali oinsa mak hola no halo programa ida ne’e bele sai diak liu tan se lae povu kuda governu sosa maibe tinan-tinan povu kuda ita importa,”dehan nia. Tuir nia program ne’e atu lao diak presiza  aprosimasaun ne’ebé organizadu tanba akontese iha  tinan hirak liu ba buat ne’e la organijadu. “Ida nemak ita hotu hatene no labele bosok malu maibe ita hola povu kuda no hola mai ba soe hela iha armajen neba, Mina sai ransu tiha, fehuk, lis mos sai dodok hotu entaun ita tama ba armajen tenki taka inus tiha,”dehan nia. Nia dehan presiza organiza atu nune governu atu hola ne’e hola saida no atu halo saida sekuandu hola ona produtu agrikultor sira nian. “Ami mos organiza maneira para hola tanba hola fo ba Hospital, Forca Armadas no estudante,”dehan nia. (BT)

Business Timor