LABELE DISKRIMINA VENDEDORES

Selebra loron Independensia Timor Leste ba dala 13 ne’ebe monu iha loron 20 Maiu 2015, Seguransa Sivil hahú haleu Dili laran hasai vendedores Ambulantes sira ne’ebé fa’an iha estrada ibun Tasi-Tolu no fatin sira seluk, tanba ne’e vendedores husu atu labele kria diskriminasaun.

“Kuandu hasai ona ami tiga roda (Ambulante) ami mós ejije para hasai sira ne’ebe maka fa’an ikan iha tasi ibun no sira ne’ebe maka fa’an kareta iha dalan ibun para labele fa’an hotu iha fatin importante ida ne’e maka ami hakarak,”Salostiano Marques (vendedor) Ambulant Tasi-Tolu, hato’o ba JN-Diário Tersa (12/5) iha Tasi-Tolu-Dili.

Nu’udar sidadaun kumpri orden hotu-hotu ne’ebe hatun husi Estadu, maibe labele ba ema balu deit, tenke aplika ba ema hotu-hotu hanesan.

“Ami hanesan sidadaun bainhira Polisia hamutuk ho seguransa sivil haruka ami sai husi fatin ne’e ami ho konsiensia kumpri. Maibe triste maka kuandu ami ba fa’an iha fatin seluk sasan ladun folin ida ne’e maka kestaun ba ami,”haklaken nia.

Nia dehan, Merkado Manleuana kaundu sira ba fa’an sasan ladun folin.  

     

Nune’e mos, Olinda Gomes hatutan liun tan katak, Governu tenke kria fatin diak ida ne’ebe maka estratejiku atu nune’e sira bele fa’an hakmatek.

“Lolos ne’e Governu kria fatin diak ida ba ami Tiga Roda para bele fa’an, maibe labele tau fali ami iha hanesan Merkado Manleuana ne’e ami atu hetan husi ne’ebe? Tanba ema ba fatin ne’eba mos ladun barak tan. Ami hanoin ida ne’e Governu labele taka matan ba ami nia problema sira ne’e,”Olinda argumenta.

Entretantu Aderito Soares husu atu hasai mos ema ne’ebe maka fa’an kareta no motor iha etsrada ibun ne’eba para ita haree katak laiha diskriminasaun. alf

Jornal Nacional