Laiha Imunidade ba Vicenti, MP Sei Foti Desizaun

DILI - Relasiona ho kazu arguidu Vicente Guterres neebe too oras nee laiha responde ba karta imunidade husi tribunal, oras nee kazu nee entrega fali ba iha Ministeriu Publiku hodi halo pronuncia.

Administrador Tribunal Distrital Dili, Duarte Tilman hatete, sekuandu Parlamentu Nasional la hatun imunidade ba arguidu Vicente Guterres para Tribunal labele halao julgamentu. Oras nee dadaun tribunal entrega fali kazu nee ba iha Ministeriu Publiku hodi halo pronuncia. Iha pronuncia nee MP bele desidi katak kazu nee bele julga aguarda dadauk ona ba arguidu nain rua neebe laiha imunidade, maske arguidu Vicente la marka audensia. Selae MP bele pronuncia katak kazu nee sei julga separadu katak halo uluk julgamentu ba arguidu neebe laiha imunidade.

Antes nee TDD haruka ona karta notifikasaun ba Parlamentu Nasional (PN) hodi hasai imunidade ba arguidu Vicenti Guteres atual Presidenti Parlamentu Nasional, maibe too agora PN laiha resposta ba tribunal.

Tribunal liu husi juisa Zumiaty Maria Freitas haruka ona karta notifikasaun ho numeru autus 1160 ba Parlamentu Nasional hodi dirigi ba Presidenti PN Vicenti Guteres liu husi sekertaria recevido PN nian iha loron 31 Januario 2015. Nunee iha loron 11 fulan Fevreiro 2015 PN responde liu husi Vice PN Adriano do Nascimento katak nia laiha kompetensia. Informasaun kompletu iha STL Jornal no STL Web, edisaun Tersa (02/6/2015). Domingas Gomes

Suara Timor Lorosae