Tauk La Hetan Votus, Pensaun Vitalisia Sei Muda Antes Elisaun

LAIVAI - Partidu Politiku (PARPOL) nebe oras nee reprezenta povu iha uma fukun Parlamentu Nasional (PN), sei muda lei Pensaun Vitalisia wainhira besik elisaun tamba Pensaun vitalisia topiku iha Kampaina 2012 nian.

Tuir Prezidente Republika Taur Matan Ruak Katak iha kampina 2012 partidu Politiku nebe halo kampaina elitoral iha elisaun jeral tuir mai asuntu ida mak lei pensaun vitalisia, kuandu la konsege aprova povu sei la fo fiar ba sira.

Hau fiar katak besik kampaina Partidu Politiku nebe tur iha parlamenhtu Nasional sei  muda lei Pensaun Vitalisia kandu sira la muda, hau fiar imi (Povu red) nia votu sei la fo sira, nebe mak hau fiar katak sira sei muda,” dehan Taur liu husi Dialogu Liu husi Dialogu ho Povu Suku Euquisi no Ililai Segunda (27/07/2015) iha Laivai.

Taur hatete kritika nebe mak iha sai vantazen diak nasaun halo esforsu hodi jere programa nebe tuir lei, tan nee kritika no sujestaun nebe maka mai husi povu iha suku signifika povu iha esperansa boot hodi dezemvolve nasaun ba oin.

Liu husi sesaun husu no hatan Celestino Dos Santos Eloy kestiona Lei Pensaun vitalisia nebe habokur deit sidaduan balun, maibe povu iha area rural kontinua infreta Problema bee mos, eletrisidade, irigsaun no seluk tan. Informasaun kompletu iha STL Jornal no STL Web, edisaun Kuarta, (29/7/2015). Timotio Gusmao

Suara Timor Lorosae