Hamlaha ho kiak iha Luzofonia, la inklui Portugal, sei afeta ema millaun 40

Hamlaha ho kiak afeta 16% hosi ema luzófonu millaun 250, la inklui Portugal, ho Guiné-Bissau no Guiné-Ekuatoriál iha rejistu ba taxa kiak hamutuk 75%, haktuir hosi informasaun ofisiál hosi instituisaun internasionál oioin.

Maibé, iha dékada ikus ne'e, Angola, Brazil ho Cabo Verde hadi'a ona índise sira ne'e, liuliu destake ba nasaun súl-amerikanu nebe, iha tinan 12 nia laran, "lakon" hosi mapa mundiál hamlaha nian (hosi 10% iha 2002 ba 1,7% iha 2014), ki'ik liu hosi limiti 2,3%, konsidera hosi FAO limiti hosi "eradikasaun", hodi envolve mós ema millaun 3,4, haktuir hosi informasaun governu nian.

Kazu sira nebe todan liu akontese iha Guiné-Bissau no Guiné Ekuatoriál, nebe iha nasaun rua ne'e iha kazu tolu kiak nian iha populasaun na'in haat, faktu ida nebe aumenta iha nasaun dahuluk mantén 45% hosi populasaun millaun 1,7 ho kiak maka'as no nasaun daruak la konsege hetan rezultadu di'ak sira, maski iha rendimentu "per kapita" aas liu hosi Áfrika subsarianu.

Situasaun hanesan akontese iha Mosambike, nebe índise kiak nian, tuir Fundu Monetáriu Internasionál (FMI9, mantén estável iha dékada ikus ne'e, maski ho aumentu neineik, tuun hosi 54,7% ba 54% hosi totál populasaun (populasaun millaun 26 resin) konsideradu hanesan kiak, nebe reprezenta habitante millaun 13 resin.

Maibé Banku Mundiál (BM) ho FMI hatete katak Mosambike "falla ona" iha objetivu hodi hamenus kiak, nebe tenki to'o 42% iha 2014, maski sira hatudu optimizmu hasoru diminuisaun hamlaha nian (hosi 56% iha dékada 1990 nia rohan ba 24% iha 2014).

Maibé rezultadu prátiku sira hanesan trájiku tanba Mosambike rejista média ida rihun 80 ba ema sira nebe mate tinan-tinan tanba desnutrisaun maka'as, nebe afeta 40% hosi populasaun sira.

Situasaun todan seluk akontese iha São Tomé & Prínsipe. Estudu ida hosi Governu ho apoiu hosi Organizasaun Internasionál Serbisu nian hatudu katak 63% hosi habitante rihun 195 resin hanesan kiak, ho 14% hosi sira iha kiak maka'as no taxa ida dezempregu nian entre populasaun ativu besik 70%.

Iha fatin seluk, Timor-Leste, maski neineik, hamenus nafatin índise kiak nian iha nasaun, tuir FAO, nebe agora daudaun besik 41,1% populasaun moris iha limiti kiak nia okos, ho subnutrisaun iha nível nebe di'ak oituan, tuun hosi rihun 400 ba rihun 300 hosi númeru subalimentadu sira.

Kazu hanesan susesu nian akontese iha Angola, nebe estatístika hosi FMI no Sentru Estudu no Investigasaun Sientífiku hosi Universidade Katóliku nian destaka faktu katak, iha 2000, kuaze 92% populasaun moris ho menus dolár rua loron-loron, folin ida nebe liutiha tinan sanulu tuun ba 54%, hanoin katak iha 2015 bele tuun liu hodi bele to'o iha 36,7%.

Maibé, iha mós númeru hanesan, balun hanesan kontraditóriu, iha mós ema angolanu sira entre 7,1 no 9,2 iha kiak laran.

Cabo Verde, tuir informasaun hosi Nasaun Unidu, hanesan nasaun luzófonu nebe hamenus liu kiak maka'as iha dékada ida ho balun ikus ne'e, tuun hosi 49% iha dékada 1990 ba besik 26% iha 2014, nune'e hamenus iha períudu hanesan, subnutrisaun króniku iha faixa etáriu entre tinan 0-5 hosi 16% ba 9,7% no subnutrisaun aguda hosi 6% ba 2,6%.

Iha loron-sesta ne'e asinala Loron Mundiál Alimentasaun nian, loron nebe harii hosi Organizasaun Nasaun Unidu ba Alimentasaun no Agrikultura (FAO) iha tinan 1945, no iha Loron 17 fulan-Outubru sei selebra Loron Mundiál Halakon Kiak.

SAPO TL ho Lusa