DILI
- Atu Inspira joventude Timor oan neebe sai futuru Nasaun, hodi sai lider diak
ukun no lori nasuan Timor Leste ba oin, Universidade da Paz harii Momumentu La
Sama Building, tamba saudozu La Sama lider neebe inspirador.
Monumentu
La Sama Bulding nee inagura husi Ministeriu Komersiu Industria no Ambiente hodi
reprejenta governu no eis Jornalista Robert Domm, akompaina husi reitor UNPAZ
hamutuk ho Dosente no Estudante UNPAZ, IOB, UNITAL.
Remata
Seremonia Inagurasaun, Reitor UNPAZ Lucas da Costa hatete Monumentu nee UNPAZ
didika ba La Sama, ho rajaun La Sama uluk sei moris hamutuk ho ninia kolega
sira ajuda UNPAZ hodi halo edifisiu neebe agora dadauk fakuldade Saude publiku
no Fakuldade Direitu uza.
Idea
atu hamosu La Sama Building nee atu inspira joven sira katak hadia Aan, nune
iha futuru bele sai lider diak hanesan La Sama,” dehan Lucas ba Jornalista,
Kinta (15/10/2015) iha Kampuz UNPAZ, Aimutin.
Nia
hatete Lasama lider joven ida neebe hatene lidera povu ho funsaun oin-oin
hanesan Prezidente Republika Interinu, Prezidente Parlamentu Nasional, vice
Primeiru Ministru no ikus mai hanesan Ministru Estadu Kordenador Asuntu Sosial
no Ministru Edukasaun.
Iha
fatin hanesan Ministru Komersiu Industria no Ambiente Constancio Pinto hatete,
lansamentu Lasama Buiding nee hanesan rekoinesementu ba Saudozu nia papel
hanesan lider ida iha nasaun Timor Leste. Informasaun kompletu iha STL Jornal
no STL Web, edisaun Sesta (16/10/2015). Timotio Gusmao
Suara
Timor Lorosae
Sem comentários:
Enviar um comentário