Kámara Kontas timoroan nian destaka uza maka'as ba prosedimentu sira hosi kontratu diretu

Prosedimentu sira emerjénsia nian ba kontratu diretu sai ona "regra" iha aprovizionamentu iha Timor-Leste iha tinan 2013, bainhira uza ona iha kontratu neen ho folin dolár millaun 51,17 ka 27,78% iha totál, haktuir hosi Kámara Kontas nian.

Totál ne'e sei aas liu bainhira tau hamutuk kontratu dahitu ida, ho folin dolár millaun 57,23, no mós kontratu diretu maibé, iha kazu ne'e, la kategorizadu hanesan emerjénsia.

Opiniaun ne'e hanesan konkluzaun hosi relatóriu hosi auditória Kámara Kontas Timor-Leste nian ba atividade sira hosi Komisaun Nasionál Aprovizionamentu (CNA) nian iha tinan sira 2012 no 2013.

CNA nia misaun maka hala'o prosesu sira aprovizionamentu nebe ho folin hanesan ka aas liu dolár millaun ida no mós "akompaña no asisti teknikamente prosedimentu sira seluk nebe hala'o hosi entidade públiku sira".

Lei hatete katak iha kazu sira hosi "projetu emerjénsia sira" CNA iha de'it intervensaun iha preparasaun ba kontratu no la'ós iha parte hili empreza nebe atu kontrata iha kontratu diretu nebe aprova hosi Estadu.

Hosi prosedimentu aprovizionamentu hamutuk 21 hosi halo iha 2013 hosi CNA - iha folin totál dolár millaun 184,2 - 58,8% ka dolár millaun 108,4 maka halo hosi kontratu diretu.

"Iha tinan 2014 (...) ami konklui katak prosedimentu sira emerjénsia" karik sai ona hanesan regra ka la'e hanesan hatete iha Rejimi Jurídiku Aprovizionamentu nian, lahó esepsaun", bele le iha relatóriu.

"Ho efeitu, kontratu haat hosi kontratu neen ho folin boot nebe halo liuhosi CNA akontese liuhosi kontratu diretu", hatete iha dokumentu hodi hatutan mós katak kontratu rua seluk koresponde ba obra sira ho finansiamentu hosi Banku Aziátiku ba Dezenvolvimentu nian nebe eziji konkursu públiku internasionál.

Iha tinan 2012, "hosi totalidade kontratu sira nebe iha intervensaun hosi CNA, prosedimentu balun halo antes liuhosi konkursu (nasionál, internasionál no restritu)".

Relatóriu husu, maibé laiha resposta ida, alegasaun iha ezersísiu hosi kontraditóriu ba ema oioin, inklui ba eis-primeiru-ministru no atuál ministru hosi Planeamentu no Investimentu Estratéjiku, Xanana Gusmão, nebe uluk no agora kaer CNA.

Entre nota pozitivu sira relatóriu destaka sistema hosi kontrolu báziku nebe iha maski laiha estrutura organizasionál definidu ida, ezisténsia hosi dokumentu elaboradu sira "tuir akordu ho prátika internasionál di'ak sira ba área aprovizionamentu nian" no konkursu sira nebe halo ho dalan "fundamentadu" no ho konkorénsia aas entre empreza sira.

"Konklui ona katak Sistema hosi Kontrolu Internu CNA hanesan razoável, bainhira ita konsidera katak hahú hosi inísiu nia atividade responsabilidade ba realizasaun hosi kuaze prosedimentu sira aprovizionamentu nebe relasionadu ho projetu sira hosi Fundu Infraestrutura sria nian, maski lahó estrutura nebe adekuadu liu ba nia nesesidade sira", subliña hosi testu.

SAPO TL ho Lusa