DAISUA
- Prezidenti Repúblika, Taur Matan Ruak dehan iha lei hateten sé maka bosok ema
ruma, lori nia ba Tribunál, nia lakon nia direitu no hetan kastigu.
“Ha’u
ba fatin-fatin, sira dehan hanesan ne’e, veteranus falsu mós iha. Horibainhira
ha’u bolu Sekretáriu Estadu (momentu Sekretáriu Estadu Júlio Meta Mali), ha’u
bolu nia ha’u dehan señor Sekretáriu Estadu ha’u hakarak veteranus balu ba túr
tiha iha Becora ne’ebá,” Xefi Estadu haktuir lia hirak ne’e hafoin hala’o
diálogu ho komunidade sira iha Suku Daisua, Postu Administrativu Same,
Munisipiu Manufahi, Kuarta (11/11).
“Imi
hotu dehan, iha falsu, iha falsu maibé imi la-aprezenta faktus ba iha Tribunál
hanusa maka ha’u dehan falsu, ne’ebé ita bo’ot sira karik iha ne’e hatene ema
ruma karik simu osan ke la-tuir prezensa, husu ita nia autoridade sira iha ne’e
ajuda imi hodi lori ba iha Tribunál,” nia hatutan.
Xefi
Estadu dehan, ko’alia kona-ba veteranus falsu tenke iha evidénsia, tan ne’e
xefi estadu husu komunidade hotu la-bele ko’alia arbiru seim evidénsia.
“Ne’ebe
ita la-bele ko’alia arbiru deit, ita ko’alia buat ne’ebe los, sala sempre iha,
la-sala hotu mós la loos no pior liu tan ida la halo maka simu fali osan, ne’e
ita ko’alia arbiru de’it,” Xefi Estadu aviza.
Iha
parte seluk, Xefi Estadu mós rekoñese veteranus sira halo kong kali kong ne’e
iha.
“Iha
balu dehan kong kali kong ne’e iha, foin dadauk Ministériu Solidariedade Sosiál
duni sai funsionáriu ida, ne’ebé neneik-neneik, justisa ne’e lori tempu, ita
kuidadu ida ne’e,” Xefi Estdo afirma.
Kuandu
komuidade sira maka iha provas kona-ba veteranus falsu, Xefi Estadu husu atu
hato’o ba iha autoridade polísia hodi lori dadauk nia ba iha Tribunál. (jos)
Timor
Post
Sem comentários:
Enviar um comentário