MANDATO CAPITURAÇÃO BA EX-COMANDANTE GUERRILHEIRO L7 NE’E HUMANO KA DESUMANO?

Pe. Germano Gusmão – Matadalam - opiniaun

 Ha’u práticamente la dun hatene processo judicial iha tribunal sira iha Timor-Leste, ha’u só hatene uit oan de’it oin sa mak sai ema arguido ba iha tribunal; li-liu quando, director sucursal banco BNU Baucau, Senhor Agostinho António Guismão iha tinan meados de 2013 to’o princípio de 2014 dada ami padre na’in 3, hamutuk ho ema leigo sira na’in 10 ba tribunal distrital Baucau, tanba povo nia osan be director ne’e  hamutuk no nia sobrinho naok  iha Banco sucursal BNU Baucau nian. Iha tempo neba ami arguido hamutuk na’in 13 inclui   directo Banco sucursal BNU Baucau; quase fulan 3 halo julgamento maratona ba ami arguido sira, cada quinta – feira ami hotu tem que ba tribunal distrital Baucau hodi simu julgamento no rona julgamento.

Problema nebe acontece iha Banco sucursal BNU Baucau nian, mak director banco senhor Agostinho António Gusmão hamutuk ho nia sobrinho ida naran João naok tiha ami nia osan iha banco refere; atu selu fali ami nia osan sira be sira naok; sira naok tan banco nia osan mak devolve fali ami nia osan nebe sira naok iha banco. Wainhira banco nia na’in descobre hahalok directo ne’e, polícia ba kaer nia, ikus mai husu ba nia osan sira nebe nia ho nia sobrinho naok iha cofre banco BNU Baucau ne’e rai  iha nebe? Osan sira ne’e fo ba ema se se de’it? Ikus  mai director ne’e declara katak, osann sira be naok iha cofre banco BNU Baucau nian, fo  a ema sira nebe uluk director ne’e naok; banco nia na’in husu ba ministério publico ho halo mandato de capituração no notificação, antes de julga ami sal ka ka los. Ne’e duni ami sira be sai vítima ba hahalok director banco ho nia sobrinho, ami sai tiha mos ema arguido.

Capitura hotu ami sira be hamutuk 13, entre ami na’in 3 padre diocese Baucau nian.  director Banco sucursal BNU Baucau ho nia sobrinho naok tiha ami nia osan; sira selu fali ami nia osan be sira naok ho fali banco nia osan be sira na’in 2 naok. Wainhira banco BNU nia na’in descobre husu  ministério public, ministério public haruka polícia ra’ut hotu ami be sai vítima hamutuk ho naok ten sira ba hotu tribunal halo julgamento. Ha’u hanoin, priemira vez iha história Timor-Leste nian, padre na’in 3 sai arguida tanba caso osan.

Agostinho António Gusmão, ema leigo di’ak nebe ami padre sira confia los nia, ikus mai sai konfu ba padre sira. Quando julgamento hotu ona, ikus mai tribunal Baucau declara katak ami na’in 11 la sala; director Banco sucursal Baucau, senhor Agostinho António Gusmão ho nia sobrinho mak sala, tan ne’e nia sobrinho naran João ba cadeia, director ne’e tanba hetan kedas moras struk  desde ema descobra nia naok ten, tan ne’e nia la ba cadeia iha Becora.

 1.     MANDATO CAPITURAÇÃO BA EX-COMANDANTE GUERRILHEIRO L7 NE’E HUMANO KA DESUMANO?

Tanba sa mak ha’u tau ba questão, mandato tribunal atu capitura L7, ne’e humano ka desumano? Ita hotu hatene katak, L7 ho nia família sira sei iha momento de lutu ba nia alin Mauk-Moruk alias Paulino Gama nebe mate tanba massacrado iha Venilale ho 47 balas. Ema sira nebe kaer lei hanoin oinsá kona ba L7 ho nia família sira nebe sei iha memento de lutu ida ne’e; haruka kedas ona polícia atu ba capitura L7 ne’e oin sa los? Katuas L7 atu halai ba nebe? Uluk 24 anos nia laran, inimigo persegue nian iha fatin oin-oin, nia la halai sai hosi Timor; maibe nia luta to’o ita hotu hetan ukun an; no doutor da lei sira mos bele sai doutor da lei hodi julga ema iha tribunal sira iha Timor – Leste ne’e. Oinsá senhor doutor da lei sira nia hanoin no sira nia sentimento ba ema sira nebe sei iha momento de luto, haruka kedas polícia atu halo capitursção? Se senhor doutor da lei sira, mak iha katuas L7 nia fatin karik ,sira sentimento oin sa los? Oin sa mak nia terus ba nia alin nia mate be massacrado ho 47 balas, no oin sa mak nia hetan tan perseguição ida hanesan ne’e?

Tuir ha’u ema beik nia hanoin, hahalok ne’e desumano, tanba la considera ema nia terus iha momento de luto ida ne’e. Ita hotu nuudar ema, ita hotu iha sentimento humano. Lei ita ema mak halo ba ema, la’os sacrifica ema ba lei. Tan ne’e, mandato de capituração L7 iha momento lutu familiar ida hanesan ne’e, tuir ha’u nia hanoin ema nian  desumano tebes, tanba contra sentimento humano katuas L7 ho nia família sira iha suco Saelari posto administrativo Laga, nebe sei iha momento de lutu ba nia alin Mauk-Moruk nia mate.

2.     MANDATO CAPITURAÇÃO BA EX-COMANDANTE GUERRILHEIRO L7 NE’E TANBA JUSTIÇA VERDADEIRA KA PERSEGUIÇÃO POLÍTICA RUMA?

Iha Timor maioria ema sarani, ita hatene Jesus nia história iha Evangelho. Iha momento besik terus, Jesus dehan ba nia apostolo sira: “ida nebe tau liman hamutuk ho ha’u iha bika laran, nia mak sei saran ha’u ba mate” (cf. Mt 26, 23), Jesus hateten ba apostolo sira katak, ninia inimigo la’os hosi ema liur, maibe ida nebe lor-loron han-hemu hamutuk ho Nia; sa tan iha momento Última Ceia, Judas mak hatama liman hamutuk ho Jesus iha bikan ida, nia mak saran Jesus ba mate.

 Drama humano nebe desumano, nebe ita nia Maromak Jesus Cristo koko iha nia isin rasik, dala barak mak repete fali ha ita ema nia moris. Inimigo la’os ema hosi rai seluk, maibe ida nebe sira moris hamutuk, han hamutuk no la’o hamutuk, funu hamutuk, terus hamutuk. Ita keta haluha história dramática Indonesia nian. Quando jeneral Soeharto hodi kbiit ha’au poder hosi presidente Soekarono, ikus mai jeneral Soeharto sai presidnete, nia quase elimina hotu ninia colega no companheiros da lut siraa, atu nia mesak mak bele sai boot iha Indonesia, ukun to’o 32 anos nia laran. Soeharto halo persegução ba família Seokarno, to’o Soekarno nia isin mate mos la hakoi iha janrdim dos herois iha Kalibata, Jakarta; maibe, lori sai tiha hosi cidade capital da nação iha Jakarta mai hakoi fali iha desa Blitar – Jawa Timur.

Soekarno nia oan sira, nem ida hasai escola universidade iha nia aman nia tempo, tanba nia aman la halo KKN, enquanto Soeharto nia oan sira sai ema riku matak de’it durante Soeharto nia mandato 32 anos nia laran. Biar lei sai matadalan mai ita hotu nebe sai cidadão ba nação Timor-Leste, maibe lei ne’e ita ema mak aplica sai matadalan ida ba cidadão hot-hotu. lei iha nação ida ninia função mak atu garantia cidadão hotu nia direito no dever.

Lei nia finalidade mak humaniza ita ema, moris tuir humanidade nia dignidade. Quando lei sai fali lei de repressão, sai fali lei de pressão, sai fali lei de perseguição; lei la cumpri ona ninia knaar nuudar matadalan ba cidadão nação nian, maibe sai fali lei da litadura, lei da escravidão, sai fali lei de desumano, tanba desvaloriza ita ema nia dignidade humana. Ema sei tanis ba nia família nebe mate, maibe lei haruka kaer kedas ema ne’e ba tribunal, ida ne’e mak lei nebe desumano, desvaloriza ema nia dignidade.

Ha’u la hatene, ema sira be kaer lei brani duni atu bele julga caso Comandante polícia criminal Calistro ho ita nia na’in ulun sira be iha alegação ba caso ne’e ka lae? Se ida ne’e mak acontece, ha’u hakru’uk ba senhor doutor lei na’in sira. Se la acontece karik, ha’u fiar katak, capituração katuas L7 pode ser iha perseguição politica ruma – ha’u dehan ne’e tanba nuudar cidadão ida ha’u mos iha direito de perssunção de inocente hodi bele dehan buat nebe ha’u bele dehan; se ikus mai facto hateten buat seluk, la buat ida.

-Artigo ida ne’e la representa instituição Igreja ou Diocese nia hanoin, maibe ne’e idéia pessoal padre Germano Gusmão, padre diocesano, hela iha Diocese Baucau. Hakerek na’in: padre Germano Gusmão, padre diocesano, hela iha Diocese Baucau. (*)