ATENDIMENTU HNGV AT LIU TAN

Iha tinan barak nia laran, pasientes, familia pasientes no sosiedade sira halo kritika maka’as ba atendimentu ho menus fasilidades iha Hospital Nasional Guido Valadares (HNGV). Maibe, kritika no suzestaun hirak ne’e hela ho suzestaun deit, tanba la iha mudansa signifikativu iha atendimentu pesoal saude sira HNGV nian.

Iha Sesta (27/11/2015), pasiente ho familia pasientes sira kuaze atu hatudu ‘mutu rabu’ iha HNGV, tanba la satisfeitu ho atendimentu pesoal saude sira nian ne’ebe la profesional no la obidiese ba sira nia promesa nudar pesoal saude.

Pasiente ida husi Tasi Tolu ne’ebe susar soe be boot no ki’ik, inkui dada iis la diak, senti arepende tebes ho atendimentu iha HNGV, tanba simu tiha numeru maibe hein loron rua ona la hetan atendimentu husi pesoal saude sira.

“Hau mai kedas iha Kinta kalan atu trata hau nia moras, maibe simu deit numeru hodi hein to’o deit agora. Seidauk tan ahi mos mate. Sorte dotor Kubano ida maka ajuda netyik haree hau nia sofrementu ne’e,” hateten pasiente ne’ebe lakohi fo sai nia identidade ba JNDiario iha HNGTV.

Pasiente ne’e admira tebes, tanba maske nia mai uluk maibe la hatan atrendimentu. Ironi liu, hirak ne’ebe mai ikus bele hetan lalais atendimentu tanba iha ligasaun ho pesoal saude balun iha HNGV nia laran.

Pasiente ne’e haktuir tan katak dadauk ne’e mos pasiente ida hakilar malu dotor sira tamba pasiente ne’e hein maibe ema seluk mak tama uluk.

“Hau lakomprende dotor sira ne’e liu liu dotor nebe atende kona ba atu leno nian ne’e, nia foin mak mai husi Suai depois ami sira ne’e simu nomor hotu ona, maibe tur maran iha oin ne’e pasiente sira seluk ne’e tama fali husi kotuk entaun sira mak hetan tratamentu uluk, hanesan ohin ne’e maun ida ho nia ferikoan mai husi Baucau hein kleur depois sira seluk mai tama uluk tamba ne’e mak maun ne’e hakilar malu ho dotor sira,” pasiente ne’e fo sasin.

Iha fatin hanesan familia husi pasiente ne’e mos la satisfas ho atendementu husi dotor sira tamba lolos atu leno ne’e pasiente sira tenki tama tuir numeru ne’ebe mak fahe ona, maibe narealidade simu tiha numeru maibe pasiente sira nebe laiha numeru mak hetan atendementu uluk.

Familia pasiente ne’e fo suzestaun atu lalika uza numeru para mai tama deit no diak liu tan hirak ne’ebe familia iha HNGCV la lika mai para hein deit sira nia familia sira ba halo tratamentu iha uma deit. Se lae, prezodika faliu pasiente seluk ne’ebe urjentimente atu halo tratamentu saude. nes

Jornal Nacional