TL Nia Fuan La Boot Susar Dezenvolve Futebol, Kalbuady Husu Deskulpa ba Publiku

DILI - Joventude iha Timor Leste (TL), hakarak tebe bola, maibe lideransa nia fuan la boot, hanoin deit nia aan, ho nunee susar atu dezenvove futebol iha rai laran.

Lia hirak nee hatoo husi Sekertariu Estadu Joventude e Desportu, Leovigildo Hornai, liu husi seremonia dada sorteu ba Liga Futebol Amadora (LFA), iha Hotel Timor, Dili, Tersa (01/12/2015).

Depois hau hare orsamentu iha neeba, hau hateten matebian sira no rai lulik ida nee no iha fatin hotu-hotu hakarak tebe bola, maibe ita nia fuan la boot, hanoin deit ita nia aan, hau tenta halo reflesaun atu koalia ho lider sira, hau dehan mai ba, hau labarik ida kikoan iha imi nia leet, hau hakarak mehi ida deit, futebol sai urgullu nasional no ita nia indentidade nasional,” hateten Leovegildo.

Nia hatutan bainhira nia hare osan ho valor rihun 350, neebe V Governu Kostitusional husik hela ba nia, nia tenki fila buat nee sai mehi ida ba TL, ohin kalan sira prova, nia tenta koalia liu husi telephone, ba koresponde hotu-hotu, husik buat sira neebe la diak ba kotuk, hateke ba oin ho filmeza nudar Timor oan.

Iha fatin hanesan Prezidente Federasaun Futebol Timor Leste (FFTL) Fransisco Calbuady Lay hateten nia nudar Prezidente FFTL urgullu tebes ba futebol TL, tamba futebol TL hanesan indentidade soberanu nasaun nia.

“Tamba nee hau durante lidera Federsaun Futebol, balun lao los balun lao sala, hau nudar ema umanu rekuinese saida maka diak saida maka la diak, la diak ita sei hadia hamutuk, tamba nee saida maka hau halo sala durante nee, hau husu desklupa,” hateten Kalbuady. Informasaun kompletu iha STL Jornal no STL Web, edisaun Kinta (3/12/2015). Joao Anibal

Suara Timor Lorosae