Kazu Emilia, Eis SES Hatan Tribunal

DILI - Tribunal Distrital Dili (TDD) kontinua rona deklarasaun husi sasin eis Sekretariu Estadu Seguransa (SES) Fransisco Guteres ba kazu partisipasaun ekonomiku iha negosiu neebe involve arguida Emilia Pires ho Madalena Hanjam.

Ba tribunal sasin nee hatete, iha tinan 2010 too 2011 momentu nee nia lori oan ba baixa iha Hospital Nasional Guidu Valedares (HNGV), maibe laiha kama foun ruma mak iha neeba.

Nia hatutan, kona ba data nia la lembra fisku mais iha tinan 2010-2011 nia oan moras. Nia rasik tula nia oan ho nia fen lori ba konsluta iha HNGV. Too HNGV, sasin nee fila hodi kontinua serbisu. No sasin nia fen lori sira nia moras ba halao tratamentu saude iha sala emerjensia, hafoin doutor sira halo tratamentu ba nia oan, diskobre sasin nia ona moras haruka tenki baixa.

Nunee sasin nia fen lori sira nia oan ba baixa, mais too iha sala baixa kama laiha. Neemak sasin nia fen telefone hodi informa ba nia. Ho ida nee sasin kontinua husu ajuda ba arguida Madalena Hanjam altura iha neeba nudar vise ministra saude hodi fasilita netik kama ida ba nia oan toba atu halo tratamentu mediku ba nia saude.

Kama laiha mak hau telefone ba ministra, neemak nia fo hanoin ba hau  katak, “diak liu, ita nia oan baixa deit iha sala Verry Important person(VIP)”. Rona ida nee hau mos hatan. No ikus hau nia oan baixa duni iha sala VIP, tanba antes nee laiha kama,” konta tuir sasin nee.

Kona ba prosesu sosa kama foun ho marka Macs Metalcraff neebe hatama husi arguida Emilia Pires nia kaben, nia parte laiha konesementu. Informasaun kompletu iha STL jornal no STL Web, edisaun Sabado (12/12/2015). Domingas Gomes

Suara Timor Lorosae