Komisaun Eventual Taka Publiku, Laiha Manobra Politika

DILI - Komisaun Eventual neebe Parlamentu forma durante diskusaun Espesialidade Orsamentu Jeral Estadu (OJE) 2016 taka ba publiku la iha transmisaun direta, tamba Interese nasional no laiha manobra politika nunee diskusaun lao diak tebes.

Tuir deputadu Bankada CNRT Arao Noe hatete komisaun eventual atu harmoniza proposta neebe mak tama no mos sistema diskusaun tinan nee diak liu, tamba kada proposta neebe mak governu konkorda rai ketak no diskuti proposta neebe mak la konkorda.

Komisaun eventual laiha manobra politika tamba komisaun eventual kompostu husi partidu hat tamba nee hau hanoin justu liu no desizaun governu mak foti laos governu,” dehan Arao ba Jornalista, Sesta (11/12/2015) iha Parlamentu Nasional.

Iha fatin hanesan Deputadu Bankada Fretilin Eladio Faculto hatete debate komisaun Eventual lao kapas teb-tebes no konsege hare material importante hanesan proposta adisional neebe presiza fo konsiderasaun.

Nia hatete eventual neebe mak halao efetivu teb-tebes no halo intendimentu neebe mak diak mos hodi halo abordazen ba asuntu esensial nesesidade estadu nian ba planu no mos programa neebe presiza fo konsiderasaun.

Nunee mos Vice Prezidente Parlamentu Nasional Aderito Hugo katak Komisaun eventual konsege halo hotu ona esplikasaun, rajaun husi parte governu no mos aseitasaun husi parte deputadu. Informasaun kompletu iha STL jornal no STL Web, edisaun Sabado (12/12/2015). Timotio Gusmao

Suara Timor Lorosae