Lei Pensaun Vitalisia Sei Debate Iha 2016, Branco: “Labele Fo Presaun ba PN”

DILI – Membru Parlamentu Nasional (PN) husu ba parte hotu-hotu atu labele fo presaun demais ba PN konaba lei pensaun vitalisia, tanba lei nee rasik hakarak ka lakohi Parlamentu Nasional tau ona iha ajenda hodi diskute iha tinan 2016.

Informasaun nee fo sai hosi membru deputadu hosi bankada Fretilin, Fransisco Branco, ba STL iha uma fukun Parlamentu Nasional Kuarta (16/12).

Pensaun vitalisia nee la persija iha presaun hosi se deit tanba nee programa tiha ona katak 2016 mak deputadu sira sei diskute, tanba hakarak ka lakohi lei nee sei diskute no aprova iha rinan 2016,” dehan Branco.

Deputadu nee mos hatutan iha tinan 2016 sei iha mudansa neebe mak fundamental laos ba deit lei pensaun vitalisia, maibe inklui mos lei rai nian nomos lei KAK nian neebe mak tama ona iha Parlamentu Nasional tinan kotuk.

Iha fatin ketak tuir peskizador Lao Hamutuk Juvinal Diaz katak lei pensaun vitalisia sira muda ba 2016, tamba sira mengejar fulan 40 ba deputadu sira lakohi halo revizaun iha tinan kotuk tamba deputadu sira foun iha Parlamentu seidauk too fulan 40 tuir lei pensaun vitalisia haruka. Informasaun kompletu iha STL Jornal no STL Web, edisaun Kinta (17/12/2015). Thomas Sanches

Suara Timor Lorosae