Autoridade ZEESM Ejekuta Osan La Uza Sistema

DILI - Autoridade Zona Ekonomia Espesial Sosial Merkadu (ZEESM) Oecusse no Atauro ejekuta osan la uza sistema, kuandu governu sentral transfere osan signifika orsamentu nee ejekuta ona.

Tuir Vice Ministru Finansas Helder Lopas katak orsamentu neebe mak aloka ba ZEESM nee uza sistema, maibe too iha dotasaun governu deit kuandu transfere osan ona ba sira kuandu ejekuta nee mak la uza sistema.

Osan neebe mak ita tau iha dotasaun todo governu ita tau iha transferensia, wainhira transfere ona ba sira, sira ejekuta nee mak la uza sistema, mais governu sertral transfere ba sira nee liu husi sistema,” dehan Helder ba STL Kinta (14/01/2016) iha Edifisiu Ministeriu Negosiu Estranjeiru Pantai Kelapa.

Nia hatete rejimi aprovizionamentu konaba ZEESM defirente ho rejimi aprovozionamentu neebe mak governu sentral aplika, tamba nee autoridade iha ZEESM ejekuta nia orsamentu tuir rejimentu ZEESM.

Hatan kona ba reseita Ekonomia husi ZEESM, Helder lakohi fo komentariu no haruka atu husu ba iha prezidente Autoridade ZEESM.

Iha fatin ketak Deputadu Bankada Fretilin Manuel Castro katak Orsamentu sosa Aviaun ZEESM nee liu husi Gabineti Prezidensia Konseilu ministru transfere, mak sira hodi zere orsamentu iha ZEESM no hare orsamentu restu iha mak sosa Aviaun. Informasaun kompletu iha STL Jornal no STL Web, edisaun Sesta (15/1/2016). Timotio Gusmao/Thomas Sanches

Suara Timor Lorosae