Autoridade
sira akonsella daudaun ba sidadaun portugés sira ne'ebé agora iha Indonézia
hodi evita sentru kapitál. Esplozaun oioin halo ona ema na'in hitu mate no halo
na'in 19 hetan kanek.
Agora
daudaun, laiha notísia hosi ema portugés sira ne'ebé sai hanesan vítima hosi
atentadu sira ne'ebé akontese iha loron-kinta dadeer ne'ebé akontese iha
Jakarta.
"Informasaun
ne'ebé ami hetan hosi serbisu diplomátiku sira maka laiha ema portugés sira
ne'ebé sai hanesan vítima hosi atake sira ne'e. Ami hatene katak akontese besik
iha embaixada oioin - besik kilómetru rua hosi embaixada portugeza - maibé,
tuir informasaun ne'ebé ami iha, laiha ema portugés ida entre vítima
sira", afirma hosi sekretáriu Estadu Komunidade Portugés sira nian, José
Luis Carneiro, ba Renascença.
Esplozaun
oioin no tiru sira akontese iha loron-kinta dadeer iha sentru kapitál
indonéziu. Númeru hosi vítima sira seidauk hanesan ofisiál, maibé, tuir
informasaun ofisiál ikus sira, mate ona ema sivil estranjeiru na'in rua: ida ho
nasionalidade holandeza no ida seluk hanesan ema kanadianu.
Oho
ona mós atakante na'in lima: na'in tolu mate bainhira tiru malu ho polísia,
besik iha loja Starbucks ida, no na'in rua hanesan bombista suisidu ne'ebé halo
nakfera bomba besik iha postu polísia besik iha sentru komersiál Sarinah.
Kasa
ba suspeitu sira hahú kedas no nune'e kaer ona ema na'in haat.
Autoridade
portugés sira akonsella ona ba sidadaun portugés ne'ebé iha Indonézia hodi
evita sentru kapitál, Jakarta, no Ministériu Negósiu Estranjeiru admiti katak
taka ona "sedu oituan" serbisu sira iha embaixada.
"Iha
tempu hanesan, dezenvolve esforsu tomak hodi proteje funsionáriu sira",
hatutan José Luís Carneiro.
SAPO
TL ho Renascença – Foto: EPA@ Adi Weda
Sem comentários:
Enviar um comentário