Buka Ruin Saudozu Nicolao, Fretilin Entrega ba Estadu

DILI - Ruin Saudozu Nicolao Lobato neebe familia husu estadu atu buka hodi intrega ba familia, Partidu Fretilin entrega tomak ba estadu hodi buka tamba Saudozu Nicolao, Estadu ninia ema  neebe estadu mak buka.

Tuir Deputadu Bankada Fretilin Manuel Castro katak buka Saudozu Nicolao Lobato ninia ruin nee dever estadu, Partidu entrega tiha ona Nicolao Lobato ba estadu tamba nee estadu mak iha diretu no dever tomak atu buka tuir.

Ami Fretilin fo hanoin nafatin ba governu atu nunee governu kria komisaun ida atu bele buka tuir, no presiza esforsu masimu husi governu no estadu Timor Leste tamba Fretilin entrega tiha ona Nicolao Lobato ba estadu,” dehan Manuel ba Jornalista, Kuarta (06/01/2016) iha Parlamentu Nasional.

Nia hatete Fretilin ninia obra hotu entrega ba estadu no estadu mak iha direitu no dever tomak no partidu ida labele koalia hodi hasoru nasaun ida, nee tenki estadu ho estadu mak buka saudozu ninia ruin neebe too agora seidauk hetan.

Iha fatin hanesan deputadu Bankada CNRT Cesar Valente hatete asuntu buka ruin saudozu Nicolao Lobato kestiona kona ba lider Timor Leste ninia restu mortais, tan nee governu tenki buka dalan atu bele hetan sira nia restu mortais. Informasaun kompletu iha STL Jornal no STL Web, edisaun Kinta (7/1/2016). Timotio Gusmao

Suara Timor Lorosae