DILI –
Akordu neebe mak kria husi governu Timor Leste no Indonesia konaba vistu livre
nee vale ba kualker pasaporte hanesan pasaporte servisu, diplomatiku nomos
pasaporte komun.
Informasaun
nee fo sai husi Vise Ministru Negosiu Estranjeiru no Koperasaun (MNEC), Roberto
Soares, ba jornalista sira iha ninia servisu fatin Pantai Kelapa, Kuarta (6/1).
Vistu
Livre konaba ita ho Indonesia nee hanesan ita hotu hatene katak ita iha ona
estabelesementu koperasaun ida neebe mak diak ho Indonesia hahu kedan iha tinan
kotuk fulan Outobru tanba Indonesia o ona aseitasaun ida ba TL katak atu lori
ita nia pasaporte rasik hanesan komun, servisu no diplomatiku hodi asesu ba
Indonesia ho visa livre liu—liu tama iha portu Internasionais sira neebe
Indonesia deside ona,” hatete Roberto.
Nia
hatutan konaba asesu iha fronteira trestre sei iha hela prosesu diskusaun nomos
konsultasaun no fiar katak iha future sei hetan posibilidade ho implementasaun
mekanismu neebe mak hanesan, atu nunee bele fasilita liu tan movimentasaun
populasaun iha fronteira nomos lasus amizade no koperasaun entre povu, governu
nomos estadu.
Iha
fatin ketak tuir akademiku, Fransisco da Costa Baros, iha ninia Estudu fatin
Universidade Nasional Timor Lorosae (UNTL) hatete politika neebe mak implementa
husi Timor Leste no Indonesia nee diak tebes, tanba sei lori benefisiu ba povu
tomak. Informasaun kompletu iha STL Jornal no STL Web, edisaun Kinta
(7/1/2016). Thomas Sanches
Suara
Timor Lorosae
Sem comentários:
Enviar um comentário