CNRT Konsidera Mensazen Taur Ataka Pesoal

DILI - Partidu CNRT konsidera mensazen Prezidente Republika (PR) Taur Matan Ruak, refleta liu ba politika hodi ataka pesoal tuir prespektiva prezidente, laos ba esoneirasaun Xefi Estadu Maior Jeneral F-FDTL Lere Anan Timur.

Tuir Deputadu Bankada CNRT Aderito Hugo katak sira hare ba mensazen Prezidente Republika Taur Matan Ruak, Bankada CNRT hatoo nia apresiasaun.

Konaba mensazen hirak nee la refleta ba suptansia ejonersaun Xefi Estadu Maior Jeneral FFDTL Lere Anan Timur no nomeiasaun Xefi Estadu Jeneral foun Brigraderiu Filomeno Paixao, neebe durante nee sai polemika. Tamba hare husi pontu de vista legal ka regras konstitusional, nunee mos mensazen nee refleta liu ba posisaun politika Prezidente Republika, hodi hare liu ba atake pesoal tuir prespektiva Prezidente Republika,” hateten Hugo, liu husi konferensia imprensa, iha Bankada CNRT, Parlamentu Nasional, Kinta (25/02/2016).

Nia hatutan mensazen nee minimiza puder orgaun estadu, hanesan Parlamentu Nasional, neebe tuir Prezidente Republika konsideira hanesan orgaun yesmen ka tau deit karimbu ba aktus ezekutivu sira nia.

Bazeia ba dekalrasaun hirak nee, Bankada CNRT hakarak esklarese katak Prezidente hatoo iha nia diskursu katak mandatu Xefi Estadu Maior Jeneral F-FDTL nee, tinan rua deit nee lalos, tamba tuir numeru 3 artigu 74 dekretu lei 7/2014 12 de marsu estatutu militares da FFDTL katak ezersisiu kargus ba Xefi Estadu Maior Jeneral F-FDTL ho durasaun masima tinan 4, laos tinan rua.

Iha parte seluk Peskizador Lao Hamutuk Juvinal Dias hateten mensazen Prezidente nee mensazen importante, neduni sira husu orgaun sira seluk tenki simu mensazen nee, hanesan parte ida chek and balance ba dezenvovimentu TL nia. Informasaun kompletu iha STL jornal no STL Web, edisaun Sesta (26/2/2016). Joao Anibal

Suara Timor Lorosae