DESIZAUN PRESIDENTE CONTRA PROPOSTA DO GOVERNU

Benigno Guterres, opiniaun

Acontece buat barak iha torno desizaun Presidente RDTL Taur Matan Ruak ezonera Maior-Jeneral Lere Anan Timur.

Interprtasaun e argumentos oin oin mosu kona ba desizaun ida ne. E tan ne mos hau hakarak hato hau nia analiza badak ida kona ba desizaun nee e situasaun politika aktual iha Timor.

Konstituisaun prevê duni iha nia alínea m) artigo 86º kona ba kompetensia Presidente nian atu nomeia e ezonera, tuir Governu nia proposta, Forsa Armada sira nia Estadu Maior Jeneral nia xefe no nia vise-xefe, rona tiha, iha kazu sira ikus ne, forsa Armada sira nia Estado Maior Jeneral nia xefe.

Klaro que ita hotu bele halo interprestasaun kona ba alínea ida ne, maibe iha buat balun mak ita labele nega. Primeiro de tudo kompetensia nebe presidente iha atu nomeia ho exonera xefe estadu maior das forsas armadas. E segundo tenke hare mos ba liafuan ida be tuir Governu nia proposta e rona tiha no ultimo caso o chefe do Estado maior-general das forcas armadas.

Akontese que Governu nia proposta hakarak extende mandato husi Maior-jeneral Lere Anan Timur, e Presidente depois de enkontro ho xefe do estado maior-general das forsas armadas (CEMGFA), foti desizaun hodi ezonera tiha maior-jenereal Lere e nomeia fali brigadeiru-jenerál Filomeno da Paixão de Jesus nu'udar susesór.

Ema balun dehan katak presidente la viola konstituisaun, tamba laiha artigu ruma mak obriga nia atu halo tuir Governo nia proposta. Ne los se ita atu interpreta deit tuir nia letra, mas atu interpreta ita labele limite ba nia letra det, tenke interpreta husi nia sentido teleológico ou espirtito konstituisaun nian. E como Timor adopta sistema semipresidencial, Presidente, hakarak ka lakoi tenke halo tuir e koopera ho Governo e orgaun soberania sira seluk para manter estabilidade iha rai laran.

E tamba sa mak iha neba dehan tuir Governu nia proposta? Tamba konstituisaun prevê kompetensia formal husi Presidente atu nomeia e ezonera maibe tenke liu husi proposta Governu nian, ho lian seluk atu dehan katak presidente nia la livre atu nomeia e ezonera tamba materialmente ne kompetensia Governu nian. E tamba iha ita nia sistema hanesan semipresidencialista mesmo que Presidente hanesan Comandante Supremo, Governu mak ezekuta e halao politika defesa iha rai laran, Presidente hanesan “símbolo” deit. Presidente nia funsaun mak atu garante funsionamento husi orgaun soberania sira ho instituisões sira seluk. Nia labele sai fali hanesan impedimento ba funsionamento e ezekusaun politika Governu nian.

Buat ruma mak lalos iha entendimento entre Presidente ho Governu. E antes desizaun ida ne, fulan hirak liu ba, Presidente veta kontra Orsamento Geral do Estado 2016. Solusaun mak ne; Presidente ho Governu/Parlamento entende malu fali ou Presidente, hanesan guardião de Constituição e aman ba nasaun ida ne, tenke toma desizaun serio. Se la “connect” ona ho Parlamento, entaun dissolve, tamba nia iha poder ba buat ida ne, e se la “connect” mos ho Governo entaun demite e troka seluk. Labele Governo hakarak halo buat ida e Presidente halo buat seluk ida e lakoi halo tuir Governu nia politika da ezekusaun.

Destaka mos no fim katak Presidente tenke promove koperasaun e interdependensia ho orgaun soberania sira seluk ba tomada desizaun sira hansa ne, tamba desizaun ne importante tebes ba estabilidade politika no seguransa ba rai laran.

Obrigado wain,

Benigno Guterres