Situasaun
"delikadu no sensível" ne'ebé Timor-Leste hasoru daudaun, kolen no
vontade hodi transmiti serbisu sira liuhosi televizaun hamosu adiamentu iha
loron-kuarta ne'e, ba dala rua, hosi debate kona-bá futuru meza Parlamentu
Nasional nian (PN).
Iha
kauza maka debate ida hosi rekerimentu ne'ebé aprezenta hosi bankada parlamentu
boot liu, Congresso Nacional da Reconstrução Timorense (CNRT), hodi hili meza
foun ida PN nian, hodi refere ba koligasaun ho Partidu Demokrátiku (PD) ne'ebé
hotu ona no lakon konfiansa iha prezidente ne'ebé hanesan hosi partidu CNRT
rasik.
Debate
ba rekerimentu adia ona iha loron-tersa ne'e tanba solidariedade ho PD, tanba
dirijente ida hosi partidu mate iha asidente viasaun nian besik iha Díli.
Ohin,
deputadu sira hasoru malu iha reuniaun privadu ho ministru Interior, Longuinhos
Monteiro, hodi analiza situasaun ne'ebé maka Timor-Leste hasoru no enkontru
ne'e dura kleur liu duké tempu previstu.
Deputadu
sira fila fali ba plenáriu iha tuku 16:00 (oras lokal), oras ida tarde liu duké
previstu, no Prezidente hosi PN, Vicente da Silva Guterres, defende ona
adiamentu debate ba loron-segunda.
"Hasoru
daudaun situasaun ida ne'ebé sensível no delikadu tebes relasionadu ba
nomeasaun hosi xefia militár sira iha nível ne'ebé aas tebes, ne'ebé hamosu
krizi sira iha nível aas sira, iha Prezidénsia Repúblika, Parlamentu nasional
no Governu", nia hatete.
"Ha'u
tenki hatete katak ha'u senti kolen tebes no tanba importánsia hosi debate ne'e
no tanba ha'u konsidera katak tenki transmiti iha diretu hosi televizaun, ha'u
husu ba bankada sira adia debate kona-bá rekerimentu ba loron-segunda",
nia esplika.
Bankada
sira hotu aseita hodi adia debate, afirma katak senti preparadu ba debate iha
loron-kuarta bainhira desidi hosi rekuerente, CNRT, maski líder hosi bankada
ne'e rekeita pedidu dahuluk maibé hafoin ne'e aseita hodi adia debate ba sesaun
plenáriu estraordináriu ida iha loron-kinta.
"Hanesan
ba dala uluk iha istória hosi Repúblika Demokrátiku Timor-Leste nian no ba dala
uluk iha órgaun soberania Parlamentu Nasional maka sei halo debate ne'e. Tanba
importánsia hosi asuntu, ha'u senti katak ami tenki halo debate ho transmisaun
diretu hosi televizaun hodi tulun atu populasaun sira bele entende no akompaña
di'ak saida maka akontese daudaun", nia hatete.
"Ha'u
tenki hatete katak ha'u senti kolen. No tanba ne'e maka ha'u defende atu ita
halo debate iha loron-segunda", Vicente da Silva Guterres repete beibeik
no agradese ba bankada hosi nia partidu hodi aseita adiamentu.
Vicente
da Silva Guterres konfirma ona katak debate sei hahú fali iha loron-kinta tuku
10:00 (oras lokal) no sei transmiti liuhosi rádiu no televizaun Timor-Leste
nian (RTTL).
Iha
loron-tersa prezidente hosi Parlamentu Nasional insisti katak rejimentu hosi PN
la hatete kona-bá eleisaun ba meza foun ida iha lejislatura nia klaran maibé
bankada sira seluk, inklui CNRT no FRETILIN, hatete katak ne'e bele ultrapasa
bainhira iha vontade hosi plenáriu no hanesan "soberanu" hodi foti
desizaun.
Bainhira
avansa ho proposta hosi CNRT sei hamosu alterasaun ida iha meza parlamentu
tomak, ne'ebé agora daudaun iha elementu na'in haat hosi partidu ne'e no na'in
rua hosi PD (entre sira iha na'in rua maka visi-prezidente sira).
Senáriu
ida ne'ebé provável maka prezidénsia sei kaer hosi atuáal visi-prezidente,
Adérito Hugo da Costa (CNRT).
SAPO
TL ho Lusa
Sem comentários:
Enviar um comentário