PR timoroan sei hanaruk mandatu hosi komando atuál F-FDTL nian

Komando atuál hosi forsa sira Defeza timoroan nian (F-FDTL) sei hanaruk nia mandatu durante pelumenus durante tinan ida bainhira sei ko'alia nafatin kona-bá futuru hosi instituisaun nian, konfirma ona hosi fonte militár no Governu sira ba Lusa.

Fonte sira, ne'ebé ko'alia ba Lusa, esplika ona katak reuniaun hosi Konsellu Superior Defeza no Seguransa nian (CSDS), ne'ebé previstu ba loron-tersa, no sei hanesan ba dala tolu maka ko'alia kona-bá asuntu - sei hanesan definitivu hodi ultrapasa susar sira ne'ebé mosu iha kestaun ne'e.

Fonte sira ne'e subliña katak xefe Estadu, Taur Matan Ruak, karik sei ko'alia kona-bá nia desizaun kona-bá renovasaun temporáriu ba mandatu hosi xefe Estadu-Maior hosi Forsa Armada sira nian (CEMGFA), Lere Anan Timur, no hosi personajen daruak, brigadeiru-jeneral Filomeno da Paixão de Jesus, hafoin enkontru.

Ne'e hanesan proposta dahuluk hosi Governu, maibé Taur Matan Ruak rejeita hodi halo, ba dala uluk, demisaun hosi Lere no promove Filomeno Paixão no, hafoin ne'e, hodi halo tuir alternativu daruak hosi Governu, substitui sira na'in rua ho kapitaun-hosi-tasi-no-funu Donaciano Gomes (Pedro Klamar Fuik) no koronel Calisto dos Santos (Coliato) nu'udar visi-CEMGFA.

Desizaun sira ne'e fó sai hosi Prezidénsia maibé nunka implementa no ida daruak - ne'ebé fó sai iha fulan rua liubá - hamosu krítika maka'as, hosi Lere Anan Timur rasik no mós hosi veteranu timoroan sira seluk.

Primeiru-ministru, Rui Maria de Araújo, bainhira hatán kona-bá fin hosi difikuldade, nia konfirma ona ba Lusa maibé lahó detalle kona-bá desizaun katak Prezidente Repúblika karik sei hato'o desizaun hafoin enkontru ho CSDS iha loron-tersa.

"Reuniun tuirmai hala'o aban no hafoin ne'e señór Prezidente sei fó sai nia desizaun", nia afirma ona.

Rui Araújo hatete katak hahú hosi debate ne'e maka Governu "defende nafatin kontinuasaun" tanba "kestaun sira estabilidade, kontinuidade, tranzisaun programadu no progresivu".

"Señór Prezidente iha nia opiniaun sira. Hafoin reuniaun ne'ebé halo ona ho veteranu sira nia sei hanoin proposta ida ne'ebé Governu hato'o no hafoin reuniaun tuirmai maka PR foti desizaun ida", nia hatete.

Rui Araújo afirma ona katak hanesan haree ba buat ne'ebé maka hala'o daudaun ho tranzisaun ida ne'ebé "halo hela iha nível tomak Estadu nian, iha Governu, iha Parlamentu no iha órgaun oioin Estadu nian" maibé iha kazu hosi forsa sira defeza nian, sei haree ho dalan "oinseluk".

"Iha F-FDTL, ne'ebé hanesan instituisaun ida ne'ebé garanti estabilidade nasaun nian, tenki hanoin di'ak kestaun sira, liuliu hosi ideia hodi garanti atu iha kondisaun sira hodi bele halo mudansa ho di'ak no hafoin ne'e laiha impaktu ba estabilidade iha nasaun tomak", nia afirma.

Kona-bá lei ne'ebé hatete kona-bá reforma hosi militár sira ho tinan 60, Rui Araújo subliña ona katak lei "loke mós posibilidade hodi aumenta mandatu anual bainhira iha nesesidade iha nasaun".

"No realidade maka ne'e: nasaun sei presiza prezensa hosi ema sira ne'ebé iha tinan 60 resin maibé, tanba nia partisipasaun nu'udar atór prinsipál sira iha luta ba libertasaun, iha autoridade moral ida ne'ebé bele garanti estabilidade internu forsa sira nian", nia afirma ona.

"No nune'e maka Governu hanoin atu mantén iha tempu balun", nia hatutan.

SAPO TL ho Lusa