Bispu Belo Konfirmado Partisipa Komemorasaun Loron Nobel da Paz iha Dili

DILI – Eis Bispu Dioseze Dili, DonCarlos Filipe Ximenes Belo, SDB, hamutuk ho bainaka espesial na’in 5 konfirmadu ona atu mai partisipa iha konferénsia internasionál ba tinan 20 atribuisaun Nobel da Paz ba Timor-oan na’in rua ne’ebé sei realiza iha dia 7-8 Outubru tinan ne’e .

“Amu Belo sei mai tanba ne’e atribuisaun ba Amu Belo ho eis Prezidente Ramos Horta mas Nobel sira seluk hakarak mai selebra 20 anos iha Timor,” Primeira Dama (PD), Isabel Ferreira informa ba jornalista sira iha Edifisiu Ministeriu Públika (MP), Colmera, Dili, Kuarta, (8/06).

Konferénsia ida ne’e atu komemora hikas tinan 20 Timor-oan nain rua, Bispu Don Carlos Filipe Ximenes Belo ho eis Prezidente Repúblika (PR), José Ramos Horta hetan Medalla Nobel da Paz iha tinan 1996.

Bainaka espesiál hosi rai-liur no premiadu Nobel da Paz hosi pais sira seluk mós sei partisipa iha konferénsia ne’e hodi ko’alia kona-ba paz iha mundu nian.

“Hosi konvite ne’e konfirma ona ema na’in lima (5), Nobel da Paz Fízika nian señór ida hosi Austrália, Nobel da Paz ekonomia nian responde ona, Bispu ida hosi Norwegia, Nobel da Paz Muhamad Yunus no ita nia Bispu Ximenes Belo ho eis Prezidente Horta,”hatete primeira dama.

Nune’e mós bainaka espesiál balun ne’ebé maka haruka ona konvite ba maka hanesan eis Sekretariu Jerál Nasoins Unidas, Kofi Anan, eis Prezidente Indonézia, Susilo Bambang Yudhoyono (SBY) nomós eis Prezidente Mosambique, Juaquim Sesano no Nobél da Paz, Ayu Sansuki.

Alende ne’e Konseleru Espesiál Sekretáriu Jerál Nasoens Unidas nian, iha área jenosidu mós konfirmadu ona hodi partisipa iha konferénsia ne’e, tanba ne’e aproveita tempu prejensa Konseleru espsiál ne’e presiza halo mós konferénsia kona-ba área justisa nian.

Primeira Dama mós konvida Prokuradoria Jerál da Repúblika (PJR), José da Costa Ximenes hodi hato’o nia intervensaun iha konferénsia ne’e, maibé PJR nia agenda iha fualan Outubru sei iha reuniaun PJR Comunidade dos Paizes da Lingua Portugues (CPLP) nian, tanba ne’e PJR la tuir maibé adjuntu maka sei partisipa iha konferénsia refere.

Orsamentu ba konferénsia ne’e mai hosi governu, mai hosi gabinete Primeiru Ministru (GPM) nian, tanba konferénsia ne’e hala’o hosi Prezidensia Gabinete Prtimeira Dama, Governu, Gabinete PM nian no mós Centru Quisadhip Ruak.

Konferénsia ne’e orsamentu mai hosi GPM ne’ebé sei uza orsamentu hamutuk 200 mill Ital dollar Amerikanu ba viajem no selu Hotél ba bainaka espesiál sira, inklui ba konferésista ne’e.

“Proposta ne’ebé ami aprejenta ba Primeiru Ministru ho Nobél sira ne’ebé sei mai hotu, ne’e ba viajen de’it, ba bileti tanba sira la sa’e ekonomi, sira sa’e bisnis klass ne’ebé kustu ba viajen, hotel, buat sira ne’e hotu sai kuaze 200 Ital mill dollar,”Primeira Dama esplika.

Aliende ne’e inan ba nasaun ne’e mós koordena ho Ministeriu Turizmu no Kultura (MTK), Kalbuadi Lay hodi halo preparasaun ba noite kulturál ne’ebé sei halo aktividade mós kanta, dansa ba paz.

Reflesaun ne’e sei loke ba públika liu-liu estudante sira hodi hakerek kona-ba paz no mós dansa, teatru, kanta ne’ebé maka haree liu ba paz.

Antes ne’e PD mós konvida ona fundaór nasaun sira hodi eis PM, Marii Alkatiri no eis Prezidente Parlamentu Nasionál, Francisco Guterres “Lu-Olo” no seluk tan hodi partisipa iha konferénsia refere.

“Ha’u mai hasoru Marí Alkatíri hanesan fundadór Nasaun la’ós  hasoru hanesan Prezidente Autoridade, ha’u mai atu konvida hodi bele partisipa iha konferénsia Internasional ba Nobel ba Paz nian,” dehan Primeira Dama Isabel iha Timor Plaza, Komoro-Dili, Segunda (06/06).

Nune’e Primeira Dama mós esplika, bainhira hasoru malu ho Fundadór Nasaun ne’e resposta ho pozitivu, nune’e kontente ho inisiativa ne’e tanba sira konese di’ak prosesu ne’e bainhira prepara kedas hosi 2010.

“Maun Marí mós dehan sei haré  hodi buka tempu bele partisipa iha eventu ne’e tanba ita hatene iha loron komemorasaun ne’e mós sei monu iha loron hanesan ho loron konferénsia Partidu FRETILIN ninian, maibé ha’u husu, husu bebeik para maun Marí bele partisipa iha abertu,” tenik nia.(dgx)

Timor Post