Governu Fo OJE Ba Kompania Estranjeiru Hodi Halo Mega Projetu

DILI - Orsamentu Jeral Estadu (OJE) neebe maka aprova durante Primeiru Governu too agora, fo liu ba emprejariu estranjeiru sira hodi halo mega projetu iha rai laran neebe maka laiha kualidade.

Ba kestaun nee membru ONG Ajar Inocensio Xavier hatete, hanesan sosidade sivil nia observasaun ba OJE, hahu husi Primeiru Governu too agora, gasta orsamentu liu-liu ba projetu boot neebe fo ba ema estranjeiru sira hodi halo mega projetu iha rai laran.

Ita hare kualidade projetu sira neebe maka kompania estranjeru sira halo seidauk priennsia rekijitus ida, tamba laiha kualidade,” dehan Inocensia ba STL, iha nia knar fatin, Farol, Dili, Kuarta (01/06/2016).

Nia dehan Estrada boot sira neebe maka halo, seidauk hatudu kualidade diak ba Estadu Timor Leste, lahatene Ministeiru relevante halo saida deit durante nee. Tuir lei investimentu katak, emprejariu neebe maka mai investe iha Timor nee sira tenki lori osan, para bele halo dezemvolvimentu.

Iha parte seluk Membru PN husi bankada CNRT, deputadu Cesar Valente hatete, nia aseita projetu boot tenki loke tender ba Internasional, nia fo ezemplu estrada Liquisa-Maubara nee hatudu estrada kualidade, neebe maka tuir padraun Planu Dezemvolvimentu Estratejiku Nasional. Informasaun kompletu iha STL Jornal no STL Web, edisaun Kinta (2/6/2016). Carme Ximenes

Suara Timor Lorosae