PR Taur Rekomenda PNTL-F-FDTL La Bele Halo Krimi

DILI - Prezidente Republika (PR) Taur Matan Ruak rekomenda ba Xefi Estadu Maior Jeneral F-FDTL Maijor Jeneral Lere Anan Timur, tenki tau matan ba institusaun rua hanesan Polisia Nasional Timor Leste (PNTL) ho Falentil Forsa Defeza Timor Leste (F-FDTL), sai ida deit, la bele halo krimi hasoru malu, tanba mesak lutu ba nasaun.

Lia hirak nee hatoo husi Jeneral Lere, hafoin remata enkontru ho Prezidente Taur, iha Palasiu Prezidensial, Aitrak Laran, Dili, Kuarta (22/06/2016).

 Relasaun entre PNTL ho F-FDTL, elementus balun dalaruma hanesan uluk hau dahan sira joven, sira buka provoka, ida nee maka hau koalia ho Prezidente, depois Prezidente fo ninia rekomendasaun katak tenki tau matan ba institusaun rua nee, institusaun rua nee tenki sai ida deit, tanba sira hotu-hotu mesak lutu ba nasaun,” hateten Lere.

Jeneral Lere mos haklean tan katak  dalaruma husi Polisia sira la komprende situasaun ida nee i sira la hatene sira nia atetude neebe sira halo, monu ba krimi, koandu baku nee krimi ona, sira PNTL sira baku membru F-FDTL dala 14 ona, maibe membru defeza pasensia neduni sira la responde.

Jeneral Lere mos informa ba Prezidente konba situasaun, konaba sira nia atividades nune mos konba asuntu sira seluk neebe interse ba estadu no nasaun. Informasaun kompletu iha STL Jornal no STL Web, edisaun Kinta (23/6/2016). Joao Anibal

Suara Timor Lorosae