KAZU BAKU SARGENTU QUINTÃO REGISTA ONA IHA TRIBUNAL

Kazu ne’ebe mak akonetse iha fulan kotuk liu ba iha area Laulara ne’ebe membrus Polisia Nasional Timor Leste (PNTL) husi Unidade Espesial Polisia (UEP) hamutuk ema nian 14, baku mmebru Falintil-Forsa DefesaTimor Leste (F-FDTL), Segundu Sargentu Quintão Soares regista ona iha Tribunal hodi submete ba prosesu krimi nian.

“Kazu ne’e regista ona iha Tribunal, ita hein deit ne’e servisu Tribunal nian ona, ne’e ami la tama to iha ne’eba, orsida Tribunal sei bolu sira ba investiga nusa ka Tribunal mak hatene, ami toma konta ba prosesu disiplinar,” Komandante Jeral PNTL, Komisariu Julio da Costa Hornay ba Jornalista iha ninia knar fatin, Kuartel Jeral PNTL, Caicoli-Dili, Tersa (05/07/2016).

Esplika nia, prosesu disiplinar ne’ebe mak komando foti loron 60 fo suspensaun preventiva, susupende ninia servisu, la uja farda,identitas foti sai nudar ema sivil hein deit Tribunal bolu ba hatan.

Julio Hornay haktuir liu tan katak, komando fo supensaun preventiva ne’e la’os signfika kastigu atu tuir prosesu ne’ebe mak iha, hotu tiha hato’o relatoriu final komando foti pena ida ne’e, ne’e mak foin foti desizaun foin mak kastigu.

“Labele hanoin katak suspensaun preventiva ne’e kastigu ona lae, ne’e seidauk konsekuensia ba pena ne’ebe mak nia simu ne’e seidauk, ne’e infreksaun seidauk desizaun,” nia firmi.

Hatutan nia, prosesu inkeritu atu buka suspeitu, prosesu disiplinar suspeitu ne’e A1, situasaun prosesu ninia lalaok mak hanesan ne’e.

Akresenta nia, relatoriu investigasaun komando rua simu ona, husi ne’e komando rua sei estuda depois ninia konkluzaun hira iha ne’e hetan depaisu husi komando.

“Ha’u sei lee, iha kokluzaun hira iha ne’e ha’u sei fo despaisu para loke prosesu disiplinar lolos, mias ida ne’e la kleur ona tamba dadus iha ne’e nakfilak deit husi inkeretu ba disiplinar,”tenik Julio Hornay. Eus 

Jornal Nacional