Vise
Ministru Obras Publikas, Transportes no Komunikasoens (MOPTK), Inacio Moreira,
hateten Ministeriu Obras Publikas Transportes ho Komunikasoens seidauk hatene
iha ona empresaio Timor oan ida maka sosa tia ona Timor Telekom (TT).
Tamba
ne’e karik hakarak detanhadu liu maka presisa loke investigasaun ba
prosesu sosa no fa’an saham (asaun) Timor Telecom (TT).
Dau-daun
ne’e Grupo empreza Esperansa Timor Oan (ETO) ne’ebe nain maka Nilton Telmo
Gusmão dos Santos, maka sosa ona saham 45,01% husi TT.
Saham
54,01% ne’e direitu Telecomunicações Publicas de Timor (TPT) nian ne’ebe maka
Nilton Gusmão sosa. Aksionista seluk iha TT maka kompostu husi Estadu Timor
nian 29,59%, Fundasaun São Jose Diocese Baucau (18%), Fundasaun Oriente (6%),
Emprezas Macao VDT Operator Holdings (17, 86%) no emprezariu senior Timor
oan, Julio Alfaro (4,49%).
Vise
Ministur Inacio Moreira deklara katak, to’o oras ne’e, MOPTK nudar ministeriu
ne’ebe tutela ba area telekomunikasaun seidauk iha konhesimentu ba prosesu sosa
no fa’an saham TT.
‘’Bain-bain
kuando fan tenki bolu nain hotu-hotu ne’ebe nia saham iha TT ne’e mai tur
hamutuk depois mak halo desizaun, hau hanoin prosesu ida tuir dalan ne’ebe los
para ita hotu bele hatene se karik iha duni desizaun ruma mak hatete dehan TT
ne’e fan ona ba ema ida ka rua ou tolu hau hanoin ita tenki halo
investigasaun lai, tanba ita hotu seidauk hatene nia prosesu ne’e
oinsa,’’ informa Inacio Moreira hodi responde jornalista sira iha nia
knar fatin Caicoli, Segunda (4/7/2016).
Inacio
Moreira hateten to’o oras ne’e nia parte, inklui Ministru Gastão de Sousa, la
iha konhesimentu kona-ba prosesu sosa no fa’an saham 45,01%. At liu tan, Inacio
dehan, MPTK la iha informasaun katak, kontratu sosa saham ne’e asina
ofisialmentye ona iha Portugal, horseik.
‘’Ami
seidauk hatene prosesu ne’e lao oinsa ami konsidera informasaun kona ba
empreja Timor oan ne’ebe sosa ne’e formalmente ami seidauk iha kunhesmentu se
karik romuris ne’e los ami responsabel ami hakarak buka tuir prosesu fan no
sosa i nusa mak fan mesak-mesak,” koalia Inacio.
Inacio
sublina katak, prosedeimentu legais ne’e lolos presiza konsidera malu, labele
ida-ida mai halo tuir nia hakarak no halo desizaun mesak-mesak, tanba Estadu
ne’e iha lei tenki obdese ba lei.
Nia
mos informa katak, uluk kedas nia pozisaun klaru katak hakarak sosa duni TT
ne’e, maibe hafoin nia halo tiha aprezentasaun iha Konselhu Ministrus sira
deside la hola TT no mantein ho nia saham ne’ebe mak iha ona ho 20,29%,
entaun parte MOPTC mesak labele hola desizaun.
Iha
fatin seluk vise Ministru Finansas Helder Lopez senti kontenti ho empreja Timor
oan ne’ebe mak sosa ona saham bot liu iha TT ne’e, tanba kontinua halo
operasaun no fo servisu ba Timor oan.
Helder
hateten,Ministeriu Finansas (MF) mos la iha konhesimentu ba prosesu sosa no fan
inklui kona ba asina akordu iha Portugal. Basa, prosesu ne’e entre
setor privadu ho setor privadu la iha ligasaun ho Estadu.
ETO
riku liu fali Estado
Husi
sorin seluk, membru Parlamentu Nasional husi Bankada FRETILIN, Osorio Florindo,
sente ‘ezazerado’ tanba antes ne’e Governu maka hanoin ona atu sosa, mas
derepenti deit kansela no fo fali ba grupo ETO maka sosa.
Osorio
Florindo dehan, nudar Timor oan nia orgulho, tanba Timor oan maka sosa saham ho
pursentu boot.
“Hau
laorgulho bainhira ita akumula rikeza Estado ba grupu ida, ne’e ba grupu se
deit, ita bele aprezenta tan dadus barak liu tan ne’ebe mak liga ho buat seluk
tan, kona ba mina no tan buat sira seluk, iha nasaun ne’ebe maka nasaun ne’e
lakon fali ho emprezariu lokal ida, se situasaun ne’e akontese hanesan ne’e
duni entaun nasaun ne’e ema ida nian duni ona, seluk sira mate ne’e saguate
duni ona,” hateten deputado Osorio Florindo liu husi sesaun plenaria iha uma
fukun PN.
Deputado
Osorio Florindo husu ba Primeiru Ministru (PM), Rui Maria de Araujo, Ministra
Finansas (MF), Santina Cardozo no Ministru Obras Publikas Transportes no
Komunikasoens (MOPTK), Gastão dse Sousa,mai halo aprezentasaun iha parlamentu
sobre ninia prosesu.
“Sira
dehan avaliasaun tekniku bele, finansas la bele, mais hau husu tan perguntas,
avaliasaun finansas nasaun ne’e lakon ho avaliasaun finansas emprezario lokal
ida nian, ne’e bele akontese, ka ita hakarak deklara deit ba publika Governu
hakarak fo individu ida ne’e, kuandu hanesan ne’e perguntas barak mosu tan,
nusa mak la loke oportunidade para Timor oan sira seluk mos investe
oitoan-oitoan, tanba ne’e la’os liga ba komunikasaun deit, mais buat barak,
segredu barak nasaun nian iha laran ne’ebe Timor oan tenke kontrola,”
afirma Osorio Florindo.
Reprezentante
povu ne’e preokupa liu tan maka ema hot-hotu lahatene ninia prosesu, maibe iha
diskusaun iha Konsellu Ministrus mosu opiniaun la hanesan, mais halo nusa mak
Governu bele lakon ho individu.
Iha
fatin hanesan, deputado Eladio Faculto nudar mos membru Bankada FRETILIN dehan
mos katak, Governu la bele halo privatrizasaun ba deit kompanhia ida mak hetan
hodi sosa TT ne’e.
“Hau
hanoin presiza halo estudu ida diak hodi bele bolu hotu kompanhia Timor oan
sira ne’ebe iha kbi’it atu kontribui ba iha aset ida ne’e para sira mos bele
dezenvolve sira nia an, labele partidariza ba parte ida deit mak bele monopoli
hotu,” dehan deputado Eladio.
Deputado
Manuel Castro kestinoa katak, antes ne’e Governu dehan halo hela estudus
atu sosa TT, maibe ikus mai deside katak estudus ne’e lavialibel no labele
sosa.
“Governu
tenke mai esplika iha parlamentu, motivu saida mak la sosa, ita hakarak defende
ita nia soberania, rai, tasi defende hotu, maibe ita nia komunikasaun ne’e ita
husik rai seluk mak mai domina fali, ami rona katak TT atu fa’an fali ba Fizi,
mais semana kotuk dehan Timor oan ida mak atu sosa fila fali, ne’e tanba Timor
oan ne’e nia osan barak liu Estado, Estado osan la iha atu sosa,” dehan Manuel
Castro.
Membru
Bankada FRETILIN hirak ne’e husu ba parte kompetente tenke ba esplika iha
plenaria sobre tanba sa mak Governu la konsege sosa saham 54,01% husi TT. nia/mia
Jornal
Nacional
Sem comentários:
Enviar um comentário