DILI,
(ANTIL) - Ministru Justisa Ivo Valenti hateten, Governu aseita ho rekomendasaun
hosi Parlamentu Nasionál kona-ba lei droga Timor-Leste.
“Rekomendasaun
sira-ne’e, ami haree maioria, ami bele aseita,” Ministru Ivo Valenti inform a ba ANTIL iha
Parlamentu Nasionál, Segunda (26/9) ne’e.
Maske
nuneé, nia dehan sei estuda ho kle’an kona-ba rekomendasaun neébe Parlamentu Nasionál fó ba Governu, hodi fila hikas halo resposta iha
loro-kra’ik tuku 03.00 iha Plenaria Parlamentu Nasionál.
Maibé
intersanteliu mak tuir Ivo Valente, rekomendasaun Parlamentu Nasionál
ne’e maioria mak ajusta ho konvensaun Internasionál ne’ebé mak Timor-Leste
ratifika ona.
Iha
fatin hanesan, deputadu Antonino Bianco hateten, rekomendasaun ne’ebé haktuir
hosi relatoriu komisaun A Parlamentu Nasionál, kle’an tebes no sistematika tuir
prinsipiu. Tanba ne’e presiza hetan resposta klean hosi governu.
Nune’e
mós deputadu Francisco Branco reforsa, pertenente tebes atu konsidera no halo
esplikasaun ne’ebé sistematiku hosi governu ba Parlamentu Nasionál.
Entertantu
antes ne’e deputadu Arão Noel dehan, Autór ne’ebé halo draf lei droga
(Ministériu Justisa-red) hola referensia lei droga Macau nian. Nune’e ami haree
hosi nia kontiudu lei ne’e ultrapasa tiha ona. Tanba ne’e ami presiza iha
artigu balun harmoniza ho konvensaun Internasionál sira ne’ebé ita ratifika,
liu-liu konvensaun Palermo.
To”o
nutisia ne’e tun, seidauk iha aprovasaun hosi Palamentu Nasionál ba proposta
lei droga tanba Parlamentu Nasionál sei hein esplikasaun hosi governu (Ministru
Justisa-red) iha tuku tolu lokra’ik. (jornalista: Manuel Pinto/Editor:
Otelio Ote)
Foto:
Ivo Valenti Ministru Justisa
Sem comentários:
Enviar um comentário