Dili,
(ANTIL) – Autoridade Zona Ekonomia Espesiál Merkadu Sosiál Oe-Cusse
(ZEEMS) halo violasaun ba veteranu sira-nia direitu ho atu suspensaun, maibé
laiha razaun administrativu ruma ne’ebé mak iha.
“Aribuisaun
direitu pensaun ba veteranu sira lebele trava, wainhira hosi parte ZEEMS haree
katak iha iregularidade ruma ba prosesu levantamentu dadus tenke iha
justifikasaun maibé labele hein to’o wainhira” Prezidente Komisaun F ne’ebé
trata Asuntu Saúde, Edukasaun, Kultura, Veteranus no iguldade jéneru, Virgilio
Hornai ba ANTIL iha Parlamentu Nasionál, Kinta (24/11).
Prezidente
Komisaun F husu ba Prezidente ZEEMS ho nia autoridade, atu bele rezolve lalais
veteranu sira-nia direitu, wainhira halo kanselamentu signifika iha razaun
administrativa ruma maibé laiha entaun sira mak komete fali krime.
Wainhira
lakon ona ema nia direitu mensalmente signifika ita viola ona ema nia direitu,
ita kansela ema nia prosesu pagamentu tenke halo prosesu ida atu fo
justifikasaun.
Mezmu
orientasaun polítika hosi Konsellu Ministru (KM) ba Ministériu Solidariedade
Sosiál (MSS) atu halo pagamentu ba vetaranu sira hamutuk 156 hosi Oe-Cusse
maibé jornalista ANTIL koko konfirma ba Ministra Solidariedade Sosiál maibé la
fo resposta. (Jornalista : Zezito Silva/Editor: Otelio Ote)
Foto:
Prezidente Komisaun F ne’ebé trata Asuntu Saúde, Edukasaun, Kultura, Veteranus
no iguldade jéneru, Virgilio Hornai ba ANTIL iha Parlamentu Nasionál kona-ba
suspensaun ba veteranu sira hamutuk 156 hosi Oe-Cusse mezmu orientasaun
politika hosi konsellu ministru atu ministeriu solidariedade sosial atu halo
pagamentu ba veteranu sira maibe ladauk iha resposta-Cusse, Kinta (24/11).
Sem comentários:
Enviar um comentário