Involvimentu Feto Iha Setor Ekonomia Kuaze 30 Too 40%

DILI – Oras nee involvimentu feto iha setor ekonomia kuaze pursentu 30 too 40, tanba tuir peskiza neebe mak IOB, UNPAZ, UNTL halao iha tinan 2015.

Tuir Reitor IOB Augusto Da Conceição hatete, haree ba agora nee feto sira komesa ona involve aan iha ekonomia, neebe haree realidade neebe mak hatudu balu halao bisnis iha produtu lokal, balu mos sai emprezariu ba kaer projetu, no mos balu halao bisnis oin-oin neebe mak ema hotu haree rasik ho matan.

Husi peskiza iha tinan kotuk ba 2015 neebe halao husi IOB, Unpaz,  UNTL,  detekta katak kuaze 30 too 40 pursentu ita nia feto maluk sira involve aan iha  vida ekonomia, tanba nee hau Hanoin katak papel feto importante tebes ba vida ekonomia,” Reitor IOB Augusto ba STL Sesta (25/11/2016) iha nia knar fatin kampus Pantai Kelapa.

Nia hatete, haree ba feto sira neebe mak halao bisnis barak nee, presiza iha spritu emprenderizmu, kreativu no inovativu, tanba haree ba sira bisnis nee lao diak, maibe sira seidauk iha konesementu oinsa mak atu sai vida emprenderizmu neebe mak diak atu nunee bele halao bisnis ho kreativu ho inovativu.

Nunee mos Dosente UNTL husi Fakuldade Ekonomio Pedro Mateus Tanizio hatete, haree ba realidade feto sira neebe mak halao bisnis ou hela parte iha setor ekonomia kuaze  feto aas liu mane, tanba tuir peskiza neebe mak sira halao iha munisipiu balu nee feto sira  barak liu do ke mane. Informasaun kompletu iha STL Jornal no STL Web, edisaun Sabado (26/11/2016). Guilhermina Franco / Jacinta Siqueira

Suara Timor Lorosae