Governu
timoroan tenki regulamenta no kria kondisaun di'ak sira hodi nune'e ema sira
ne'ebé fa'an sasán iha estrada iha nasaun ne'e, liuliu iha kapital Díli, bele
serbisu ho dalan seguru, haktuir hosi estudu ida kona-ba área informal.
Estudu,
ne'ebé fó sai hosi organizasaun timoroan La'o Hamutuk, rekomenda atu ema sira
ne'ebé fa'an sasán no konsumidór sira kontribui ba determinasaun hosi fatin
sira merkadu nian iha futuru no atu Governu apoia hodi hadi'a kondisaun sira ba
ema sira ne'ebé fa'an sasán iha estrada.
Ajuda
sira ho reparasaun hosi karreta ne'ebé sira uza, asesu ba bee no eletrisidade
no to'o formasaun ba ema sira ne'ebé fa'an sasán - barak nunka iha asesu ba
eskola - hanesan rekomendasaun sira seluk.
"Ema
sira ne'ebé fa'an sasán iha estrada - ameasa ba orden sosial ka oportunidade
serbisu nian?", hanesan títulu hosi estudu ne'ebé rekolla sondajen hosi
ema estranjeiru sira hamutuk 203 ne'ebé hela iha Díli no rona ona ema na'in 85
ne'ebé fa'an sasán iha estrada iha Díli kona-ba kestaun sira ne'ebé relasionadu
ho sira nia serbisu.
Estudu
rekomenda ba Governu atu hanoin legaliza ema sira ne'ebé fa'an sasán iha
estrada, estabelese regulamentasaun ruma kona-ba aspetu sira hanesan
lokalizasaun, horáriu no protokolu sira hijiene nian ne'ebé "fó benefísiu
ba vendedór sira ho konsumidór sira".
"Ho
rekoñesimentu boot ida hosi importánsia ho validade fa'an iha estrada hanesan
atividade ida ne'ebé iha benefísiu iha nível sosial, traballador sira,
konsumidor sira ho órgaun governamental sira bele serbisu hamutuk hodi implementa
polítika ida fa'an iha estrada dokumentadu no di'ak", refere hosi estudu.
"Polítika
ne'e tenki fó prioridade ba protesaun direitu legal sira, aumenta oportunidade
sira hosi traballador sira nian no permiti atu konsumidor sira sosa sasán di'ak
no ho seguransa hosi vendedór sira ne'ebé fa'an iha fatin públiku sira",
hatutan.
Estudu
konsidera katak iha kazu barak hosi opiniaun ilegal sira hosi vendedór sira nia
sasán no asaun subornu ne'ebé dalabarak husu hosi funsionáriu balun.
"Fa'an
sasán iha estrada hanesan prátika ida negósiu viável nian ne'ebé garanti
sobrevivénsia vendedór sira nian no mós atende nesesidade sira hosi konsumidor
aleinde hosi merkadu formal rua", konsidera hosi estudu.
"Antes
dezenvolve merkadu foun sira, governu tenki hala'o análiza klean ida hodi
determina katak lokalizasaun sira hosi merkadu foun sira iha potensial hodi
hatán ba nesesidade hosi konsumidor sira iha Díli. Ko'alia ho vendedór sira no
ho sira nia kliente bele hamosu kriasaun ida ba merkadu foun sira iha fatin
estratéjiku sira ho instalasaun adekuadu sira hodi aumenta hijiene, kapasidade
armazenamentu nian no seguransa", insisti hosi estudu.
Iha
Díli, fa'an sasán iha estrada hamosu tensaun entre Governu no ema sira ne'ebé
fa'an, ho operasaun regular hodi hasai vendedór sira ne'ebé monta postu
improvizadu sira, hanesan ezemplu, hodi fa'an ikan sira.
Iha
tinan hirak ikus ne'e, Governu kria merkadu oioin iha pontu oioin kapital nian,
hodi garanti hijiene ruma no organizasaun di'ak sidade nian maibé mosu nafatin
fatin fa'an foun, ne'ebé aumenta lalais.
Aleinde
merkadu sira no pontu oioin iha sidade iha, agora daudaun, merkadu ki'ik sira,
lahó autorizasaun, hodi fa'an ikan, ai-fuan no modo-tahan sira no animal sira
ho "esplozaun" ida hosi "butik arame sira nian", ne'ebé
hodi fa'an ropa uzadu sira ne'ebé importadu ba Timor-Leste.
Nune'e
tau hamutuk ho merkadu informal ne'e iha númeru boot hosi ema sira ne'ebé fa'an
ai-fuan iha estrada, ne'ebé lori iha ai-lebo, ema sira ne'ebé fa'an nu'u,
ne'ebé lori iha karreta tiga roda no restaurante ki'ik sira ne'ebé harii iha
estrada, ne'ebé hanesan baibain iha sudeste aziátiku.
SAPO
TL ho Lusa - Foto@ António Dasiparu /EPA
Sem comentários:
Enviar um comentário