Emprezaria Feto Foin 40%

DILI - Feto Emprezaria iha Timor Leste foin atinji porsentu hatnulu (40%) iha seckor ekonomia, nomos liu husi assosiasaun nee bele hasae no reforsa kapasidade feto emprezaria iha futuru mai.

Tuir Presidente Camara Comersiu Industria Timor Leste, Oscar Lima hateten katak, emprezaria Feto iha Timor leste bele dehan sae ona ba porsentu hatnulu, nomos iha ona assosiasaun feto nian neebe mak eziste iha nasaun nee. Fiar katak bele forma no hasae feto nia kapasidade nian iha sektor emprezaria ekonomi Timor Nian iha Futuru mai, dehan Oscar Lima ba jornalista STL, iha Restaurante Venluc Metiaut, Kinta (7/09/2017).

 Ho asosiasaun feto nian iha Timor Leste hanesan assosiaun nasional no internasional bele ajuda feto maluk sira, ho sira nia vontade rasik atu hasae feto iha emprezaria iha Timor Leste liu husi formasaun no kapasitaun feto sira neebe maka hakarak atu hola parte iha sector ekonomi nian.

Fiar katak maluk feto sira neebe agora inklina an iha assosiasaun no organizasaun hanesan nasional no internasional bele fo sira nia an tomak hodi simu formasaun sira neebe bele halo mudansa ba sira nia an no hadia sira nia moris iha parte ekonomi liu husi bisnis hodi hetan rendementu neebe mak diak iha futuru mai liu husi negosiu.

Nunee mos kandidata Presidente AEMTL 2017-2019, Herguiluina Fernades Alves hateten, feto neebe mak ohin loron partisipa iha negosiu bele dehan sei minimu, tanba defisil tebes atu detekta feto maluk sira iha distritu hotu neebe mak halo negosiu.

Hau labele dehan tanba laiha dadus feto hirak mak tama iha numeru. Ida nee mak sei sai problema boot ba iha maluk feto sira, no desafius barak mak feto sira hasoru. Iha ita nia nasaun nee Presidente CCI-TL informa nee los, tanba partisipasaun feto bazeia ba dadus neebe mak regista iha serve,” tenik nia.

Nia hatutan, alende nee iha feto barak mak halao empresaria hahu husi iha nivel nol ou zero bisnis nian iha Camara Comersiu Industri, tanba sira halao negosiu barak mak la registu iha serve no iha MCIA, neebe susar atu hetan baze de dadus iha kraik.

Feto sira neebe mak lapartisipa hanesan ami nia organizasaun hakarak sai inspiradora ba feto maluk sira seluk, liliu joven feto sira neebe mak hakarak kursu iha nivel ensino superior, no joven sira neebe mak laiha servisu atu hanoin ba sira nia aan rasik liu husi emprezarial,” nia haktuir.

Nunee mos Vise Preidente AEMTL Kathleen F.H. Tehong Goncalves hateten, iha assosiasaun nee atu ajuda feto maluk sira hodi halo negosiu atu hasae numeru emprezarial iha nasaun ida nee, tenke halibur no fahe informasaun ba iha feto maluk sira mai tuir formasaun gratuita hodi aprende ba iha negosiu nian.

“Ohin loron nee feto maluk sira iha direitu hanesan ho mane sira atu partisipa iha vida negosiu saida deit mak sira hakarak, no vontade atu halo negosiu hodi hadia sira nia moris no prepara diak sira nia aan atu kompete iha negosiu ho mane sira.* 

Est 3 | Suara Timor Lorosae