DILI,
(TATOLI) - “Ai funan ne´ebé ita kuda, presiza rega, presiza kuidadu.” Liafuan
eis-guerilleiru “Maun boot” Kay Rala Xanana Gusmão ne’ebé Diretór Ezekutivu
Arkivu no Muzeu Rezisténsia Timor-Leste (AMRT), Hamar Antoninho Babtista Alves
relembra bainhira Xanana ko’alia iha nia entrevista ida ho media iha Balibár,
iha remodelasaun kintu ba sestu governu konstitusionál.
“Ba
ha´u sentidu ida ne´e kle´an no hanesan filozofia ida komún, ita interpreta la
hotu ba moris,” Hamar fó iha nia intervensaun iha atividade entrega prémiu ba
manan na´in konkursu poezia ne´ebé organiza husi AMRT rasik hodi komemora
aniversáriu da-18 konsulta populár, 30 Agostu, iha AMRT, Dili, horisehik.
Nia
dehan, moris iha aprendizajen polítika nia laran, moris iha aprendizajen atu
lori ita-nia aan ba futuru no moris atu prepara ema sai lider ba nasaun. Tanba
ne´e, agradese ba inan-aman, profesór sira no formadór sira iha fatin hotu
katak ita prepara ema ba nasaun ida ne´e hanesan mós ai funan ne´ebé ita kuda
iha rai ida ne´e.
Ba
Nia se Ai Funan se ita la rega, nia sei la buras mezmu nia moris maibé sei la
funan. Se ita la kuidadu, nia bele moris maibé la fuan. Ho ida ne’e husu atu
iha fatin ida ne´e ita halo kompetisaun, la´ós tanba ita manan mak valór. La´ós
mós tanba prezente ruma mak valór ba ita.
“Sentidu
preparativus ba eventu sira hanesan ne´e ba kompetisaun ne´e nia asaun maisprinsipál
mak eduka imi ba prátika, atu ábitu ho korajen i eduka ita-nia mentalidade ba
pasa moris foun, enkoraja ita atu hasoru dezafiu ne´ebé tuir mai,” nia fó
hanoin.
No
afirma hikas katak, fila fali ba filozofia ai funan, ita hamutuk harii ita-nia
rain, ita hamutuk ita rega, kuidadu ita-nia rain hanesan mós ita-nia “maun
boot” hatudu ba ita iha ninia mensajen.
ai
funan ne´e apura bainhira atu aat, ai funan ne´e tenke hadi´a bainhira nia
moris la di´ak. Ai funan ne´e tenke rega hodi bele buras.
Nune´e
mós ita prepara ita-nia jerasaun ba futuru, ita tenke eduka beibeik. Atu eduka
beibeik presiza tebes inan-aman, ita hotu hamutuk husi partisipasaun inan-aman,
formadór sira hothotu ne´ebé lori ita-nia oan sira atu prepara ba rai ida ne´e.
“Tanba
ne´e ha´u sente orgullu tebes ho alin sira, oan sira ne´ebé iha vontade hakarak
espresa sira-nia talentu,” nia apresia hodi refere ba konkorrente ne´ebé mai
husi ensinu sekundáriu sira iha kapitál Dili.
Ba
Nia arte no literatura hanesan poezia namoos seluk tan ne´e mós forma asaun no
inspirasaun. “Poezia mós asaun ida inspira ita, lori ita atu ba haree interese
nasionál. Lori ita atu ba haree rai ida ne´e nia di´ak,” nia haklaken.
Jornalista:
Rafy Belo | Editór: Manuel Pinto
Foto:
Hamar Antoninho Babtista Alves. Foto: Ponto Final - WordPress.com
Sem comentários:
Enviar um comentário