Komunidade
sira iha Dili laran, liu-liu sira ne’ebe monta ona kontador bee nian maibe to’o
fulan sira la ba selu tarifa bee moos nian, ho razaun bee sai la stabil.
Domingas Martins, nudar komunidade ne’ebe durante ne’e asesu mos ba bee moos hateten antes ne’e kada fulan sira ba selu tarifa bee moos nian maibe iku-ikus ne’e ladun tanba bee mai la stabil.
“Ful-fulan
ami selu bee, maibe agora ne’e dalaruma bee sai no dalruma mos la’e, ami tenke
ba kuru fali iha fatin seluk hodi fasilita netik ami nia nesesidades lor-loron
nian,” nia hateten, iha Dili.
Nia dehan, agora ne’e dalaruma bee maran to’o loron rua ka tolu mak foin sai e sai lalais deit depois maran fali. “Ami selu deit depois ami la uza bee ho livre ida,” nia dehan.
Tanba ne’e, nia sujere ba Diresaun Nasional Agua no Saneamentu (DNAS) tenke halo kontrola ba kanalizasaun sira, atu nu’une sira bele uza bee moos ho livre.
Entretantu Xefe Departamentu Agua Saneamentu, Francisco Xavier Pereira rekonese
katak komunidade ladun selu tarifa bee moos nian ikus-ikus ne’e.
Tuir nia, lolos komunidade ne’ebe iha ona metru kontador bee nian sira tenke selu kada fulan tuir volume bee ne’eb sira uza.
“Sidadaun hotu tenke selu para bele kontribui ba nasaun ida ne’e hodi halo dezenvolvimentu ne’ebe diak liu tan,” nia hateten.
“Maske bee sai oras ida-rua deit mos, sira tenke selu, tenke kontribui.”
Enkuantu governu aplika selu tarifa bee moos ba komunidade ne’e monta ona kontador bee nian, hahu iha tinan 2004.
Nia mos rekonese, katak komunidade sira fulan-fulan selu, maibe volume selu mak tuun.
“Fulan-fulan sira selu maibe persentajen ne’e mak tuun no barak mak iha metru kontador mas la selu,” nia dehan.
Celestina
Soares, Est | The Dili Weekly
Sem comentários:
Enviar um comentário