DILI,
(TATOLI) - Prokuradór Jerál Repúblika, José Ximenes hateten kazu ró peska Hong
Long hosi Xina ne´ebé peska ikan tubaraun, deskonfia la iha akordu entre
kompañia ho governu Timor-Leste, oras ne´e iha prosesu investigasaun nia laran.
Nia
esplika katak ekipa investigasaun ne´e forma hosi Gabinete Sentrál Kombate
Krime Organizada hosi Ministériu Públiku (MP) no prokuradór balun hosi Baukau.
Antes
ne´e, nia informa, Ministériu Públiku halo pedidu partisipasaun hosi Serbisu
Investigasaun Kriminál Nasionál PNTL hodi promove buska no aprensaun ba ró
totál hamutuk 15 hosi kompañia Hong Long ne´ebé halo peska iha tasi laran.
“Ró
ne´e kaptura iha área Munisípiu Baukau no loloos para iha Baukau maibé tanba
kestaun seguransa no kontrolu, entaun muda mai iha Dili,” José Ximenes hato´o
informasaun ne´e ba jornalista sira iha Palásiu Prezidente Nicolau Lobato, Bairru
Pité, Dili, kuarta ne´e.
Nia
dehan só investigasaun maka bele hatene katak aktu ne´e krime ka kontra órden
nasionál. Bainhira kontra orden nasionál, nia haklaken, kompañia selu de´it
koima no krime tenke prosesa tuir krime.
Jornalista:
Xisto Freitas | Editór: Manuel Pinto
Foto:
Prokuradór Jerál Repúblika, José Ximenes
Sem comentários:
Enviar um comentário