Iha
loron-sesta ne'e, Mari Alkatiri hatudu fali interese Timor-Leste nian hodi halo
parte iha Programa Seguransa Marítimu Pasífiku nian (PMSC iha sigla lian
inglés), hosi Governu australianu nian, ne'ebé hakarak fó ró patrulla rua ba
bee timoroan nian.
"Hanesan
ró rua ne'ebé harii ho kapasidade hodi halo navegasaun iha kosta-súl. Oferese
mós formasaun hosi mariñeiru sira no manutensaun iha tempu balun", Mari
Alkatiri espilika katak iha loron-sesta ne'e vizita ona, besik Perth, Austrália
Osidental, unidade hosi empreza australianu ida Austal, ne'ebé maka halo hela
ró sira hosi PMSC.
"Agora
ami tenki haree kondisaun sira, hahú análize tékniku detalladu ida. Laiha
akordu ida maka asina no ha'u sei la asina agora. Ami labele kompromete ho buat
ida bainhira la halo estudu tékniku ida", nia hatete.
Xefe
Governu timoroan esplika ona ba Lusa katak Governu dalima, lidera hosi Xanana
Gusmão, desidi ona "ho dalan loos no konsistente" adia desizaun ida
kona-ba programa "to'o rezolve kestaun fronteira tasi nian" entre
Timor-Leste ho Austrália.
"Agora
ho tratadu ne'ebé besik asina no fronteira ne'ebé besik desidi ona, ami fila
ko'alia fali asuntu ne'e", Alkatiri esplika.
"Bainhira
ami iha fronteira, ami tenki iha kapasidade hodi defende ami nia fronteira,
la'ós iha funu ida maibé hasoru pirata sira, peskador ilegal sira", nia
hatutan.
Durante
nia vizita iha loron-sesta ne'e - iha ámbitu hosi vizita ne'ebé Mari Alkatiri
ho ministru sira Estadu nian Agio Pereira ho Estanislau da Silva halo to'o
loron-domingu iha Perth - David Singleton, diretor ezekutivu hosi Austal
esplika ona ba delegasaun timoroan kona-ba aspetu balun hosi ró sira ne'e.
Austal
PPB40, ho naruk metru 29,5 no luan metru ualu, iha kasku harii iha besi - hodi
aumenta nia durasaun - no estrutura sira seluk halo ho alumíniu, hodi permiti
amplitude maka'as no velosidade hosi asaun.
Ho
autonomia hodi bele iha tasi laran durante loron 20 no velosidade máximu ida ho
37,04 km/h, ró ne'e konsidera di'ak hodi halo patrulla iha zona kosta-súl
Timor-Leste nian.
Mick
Rozzoli, adidu hosi Defeza iha embaixada australianu nian iha Díli, no ne'ebé
akompaña vizita loron-sesta ne'e, esplika ona ba Lusa katak asuntu ne'e tama
iha ajenda bilateral dezde 2013 bainhira Timor-Leste kontakta Austrália kona-ba
posibilidade hodi halo parte iha Programa Ró sira hosi Patrulla iha Pasífiku
(PPBP iha sigla lian inglés).
Programa
ne'e, substitui ona iha tinan 2014 ho Programa Seguransa Marítimu Pasífiku nian
(PMSC iha sigla lian inglés), permiti doasaun ró patrulla hamutuk 22 ba nasaun
benefisiáriu hamutuk 13, nasaun sira ne'e situa hotu iha Pasífiku.
Sentral
iha relasionamentu iha área defeza hosi Austrália iha rejiaun no hala'o dezde
tinan 2014, PMSC hanoin atu fó to'o ró patrulla hamutuk 21 ne'ebé sei troka ró
sira hamutuk 22 ne'ebé fó ba nasaun sira ne'e entre tinan 1987 no 1997, ida
dahuluk sei entrega iha fulan-Outubru tinan 2018.
Aleinde
fó ró sira, programa hanoin atu apoia iha formasaun to'o tripulasaun tolu - ró
ida-idak bele iha elementu to'o na'in 23 - no manutensaun durante tinan 30.
Rozzoli
esplika ba Lusa katak tanba Timor-Leste seidauk adere lalais ba programa nune'e
bainhira asina agora nasaun bele simu de'it ró sira iha tinan 2023, nune'e
hanesan importante hahú "agora" formasaun ba tripulasaun sira.
Nia
fó hanoin katak Timor-Leste iha ona efetivu balun hosi nia komponente naval ho
formasaun - inklui balun ne'ebé simu iha Austrália - maibé presiza avansa ba
formasaun no treinu maka'as ida ne'ebé, iha kazu balun, bele demora liu dékada
ida.
Bainhira
la konklui formasaun iha momentu ne'ebé maka ró rua ne'e preparadu atu entrega,
opsaun ida maka rekursu ba tripulasaun kahur, ema timoroan sira ho ema
australianu sira.
Ho
reseita ida iha tinan 2016 hamutuk dolar australianu biliaun 1,3, Austal
hanesan fabrikante boot ba ró sira ho alumíniu iha mundu no empreza estranjeiru
úniku ne'ebé mala iha kontratu ho mariña norte-amerikanu, fó serbisu ba
traballador na'in 4.600 iha mundu tomak.
Dezde
hahú serbisu, empreza harii ona ró hamutuk 225 resin ba nasaun hamutuk 44, iha
área sivil no mós militar.
SAPO
TL ho Lusa
Sem comentários:
Enviar um comentário