Iha nia konferénsia imprensa
dahuluk iha 2018, sekretáriu-jeral ONU, António Guterres, hatán ona ba kestaun
sira kona-ba Iraun, konflitu israelo-palestinianu, Koreia-Norte, liberdade
imprensa ho Donald Trump.
"Ha'u fiar katak funu [ho
Koreia-Norte] hanesan evitável. Ha'u laiha serteza katak bele garante
dame", hatete hosi sekretáriu-jeral.
António Guterres, ne'ebé ko'alia
ho jornalista sira hafoin aprezenta tiha nia prioridade sira ba tinan 2018 iha
Asembleia Jeral, hatudu solidáriu ho dezafiu sira ne'ebé iha hasoru liberdade
imprensa iha mundu tomak.
"Iha tempu ida ne'ebé
represaun preokupante sira hosi independénsia 'media' nian, ha'u defende
nafatin liberdade ho seguransa hosi jornalista sira, iha públiku no liuhosi
kompromisu diplomátiku sira", Guterres garanti.
Eis-primeiru-ministru portugés
hetan mós pergunta kona-ba deklarasaun foun sira hosi Donald Trump kona-ba
nasaun afrikanu balun, El Salvador ho Haiti, hodi konsidera sira hanesan
"nasaun laiha kualidade" no husu tanbsá EUA tenki aseita sira nia
imigrante.
Jornalista husu karik Guterres
sei hamutuk ho embaixador afrikanu sira ne'ebé eziji retrasaun hosi Prezidente
EUA nian, maibé sekretáriu-jeral hatán ona hodi hatete de'it katak Trump nega
ona deklarasaun ne'e.
Kona-ba EUa, Guterres hatete
katak "senti preokupadu" tebes ho final hosi finansiamentu hosi
nasaun ne'e ba Ajénsia ONU nian ba Asisténsia ba Refujiadu sira Palestina nian,
ne'ebé fó sai iha loron-tersa, hodi esplika katak organizasaun "fó serbisu
importante sira" no hanesan importante ba estabilidade rejiaun nian.
Kona-ba konflitu
israelo-palestinianu, sekretáriu-jeral hatete katak entende "sofrimentu,
dilema ho frustasaun hosi ema palestinianu sira" no nia hatutan katak
"ONU kompromete nafatin ho solusaun ida hosi Estadu rua", no sei
"la konkorda ba asaun unilateral ruma ne'ebé bele estraga hanoin
ne'e".
Husu mós ba Guterres kona-ba protestu
sira iha Iraun, ne'ebé halo ona ema na'in 20 resin mate no kaer ona sidadaun
hamutuk rihun haat resin.
"Ha'u preokupa ho direitu
ema sira nian iha Iraun hodi halo manifestasaun. Hanesan parte importante ida
hosi sira nia direitu báziku", nia hatete.
António Guterres aprezenta ona
iha loron-tersa iha Asembleia Jeral nia prioridade hamutuk 12 ba tinan 2018,
hodi hatete katak hanesan importante liu "unidade no korajen" hodi
ultrapasa dezafiu mundial boot sira.
"Ita presiza liután unidade
ho korajen hodi hasoru teste urjente liu iha ohin loron nian, halo kalma tauk
hosi ema sira ne'ebé ita serbi, no tau mundu iha dalan ida ba futuru di'ak
ida", Guterres hatete ba Estadu membru sira.
SAPO TL ho Lusa
Sem comentários:
Enviar um comentário