Autoridade australianu sira fó
sai, iha loron-sesta ne'e, katak investiga hela kauza sira ne'ebé halo Airbus
A330 ida hosi Malaysia Airlines hodi desvia hosi nia dalan, iha loron-kinta, no
tenki tuun iha sentru nasaun nian.
Aviaun MH122 hosi kompañia malaiu
sai iha loron-kinta iha Sydney ho destinu ba Kuala Lumpur, ho pasajeiru na'in
244 iha aviaun laran, bainhira rejista ona "falla téknika sira iha motor
ida", halo aviaun tenki muda dalan no tuun iha sidade Alice Springs.
Iha komunikadu, Autoridade ba
Seguransa iha Transporte sira australianu nian indika ona katak sei rona
tripulasaun no haree fali prova sira ne'ebé disponível no komunika
"problema krítiku ruma ba seguransa".
Iha fatin seluk, transportador
Malaysia Airlines subliña ona katak "seguransa la'ós hanesan
responsável", haktuir hosi komunikadu ida.
Iha tinan 2014, kompañia aérea
sofre ona, durante fulan tolu resin nia laran, asidente rua ne'ebé halo ona ema
na'in 537 mate.
Iha loron 08 Marsu, aviaun MH370,
ne'ebé halo ligasaun entre Kuala Lumpur ho Pekin, lakon hafoin ema ruma desliga
tiha komunikasaun sira no karik aviaun ne'e monu. Seidauk hetan aviaun nia
rahun.
Empreza norte-amerikanu Ocean
Infinity konkorda ona, iha inísiu fulan ne'e, hodi buka fali aparellu iha zona
oseanu Índiku, ne'ebé deskonfia hanesan fatin aviaun monu nian.
Iha Jullu 2014, aviaun MH17,
ne'ebé sai hosi Holanda ho destinu ba kapital malaiu, hetan tiru hosi misil ida
ne'ebé lansa hosi grupu independentista pró-rusu ida, bainhira semo iha leste Ukránia.
SAPO TL ho Lusa
Sem comentários:
Enviar um comentário