DILI, (TATOLI) - Prezidente
Komisaun Nasionál Eleisaun (CNE) husu ba Partidu Polítiku hotu, la konta
Partidu Republikanu (PR) atu hatama relatóriu kona-bá Orsamentu Partidu
Polítiku iha Kampaíña eleisaun legislativa 2017 liu ba.
Prezidente CNE, Alcino Barris
dehan to’o agora partidu Republikanu de’it mak submete ona relatóriu ba CNE,
enkuantu maioria lae.
“Bolu atensaun mós ba Partidu
Polítiku sira, atu aprezenta relatóriu ba CNE kona-bá orsamentu Partidu
Polítiku iha kampaíña eleisaun tinan 2017 ne’ebé liu ona, tanba to’o agora
sidauk submete,” Alcino Barris fó hanoin iha nia intervensaun ba konferénsia
ne’ebé CNE realiza ohin iha Otél Timor, iha ámbitu preparasaun ba realizasaun
Eleisaun Antisipada ne’ebé ohin Xefe Estadu fó sai ona.
“Kontas ne’ebé aprezenta husi
partidu polítiku ida-ida to’o loron 30 bainhira hetan sólisitasaun,” Alcino
Barris esplika tan.
Enkuantu relatóriu ne’e CNE
identifika evidénsia ruma ba irregularidade kontas nian, CNE sei notifika atu
partisipa iha Ministériu Públiku (MP), iha loron sanulu nia laran.
Jornalista: Julia Chatarina | Editór:
Manuel Pinto
Imajen: Prezidente CNE, Alcino
Barris. Foto ANTIL/Antonio Goncalves
Sem comentários:
Enviar um comentário