DILI - Relasiona ho Aliansa
Maioria Parlamentar (AMP) kontinua ezeije debate destituisaun ho mosaun
sensura, nee Prezidente Parlamentu Nasional (PPN) konsidera proposta nee mai
husi bankada ilegal.
Kestaun nee hatoo husi Prezidente
Parlamentu Nasional (PPN) Aniceto Guterres katak, PN disolvidu, oinsa mak bele
debate, destituisaun, nunee mos ba mosaun sensura, neebe lahatene iha neebe mak
bele akontese, parese iha Timor deit karik.
Agora PN disolvidu atu trata
saida, se hakarak obriga mos, hau dehan proposta nee in-ezistensia i proposta
nee ilegal, tanba mai husi bankada neebe laeziste iha PN, hau dehan ilegal,
tanba bankada AMP iha PN laiha,” katak Aniceto ba jornalista Kuarta
(07/02/2018) iha PN.
PPN afirma, uza instrumentu katak
atu debate mosaun ho destituisaun, debate oinsa?, tanba PN disolvidu bele
sensura fali governu, nee atu buka resposta iha neebe?
I proposta ruma mai husi bankada
iha deit deputadu nain 12, nee kalo sira ni bankada AMP nee iha deputadu nain
12, maibe bankada AMP nee laeziste iha PN. I sira forma bankada AMP nee uza
artigu saida no rejimentu ida neebe.
Hatan ba kestaun nee Xefe Bankada
CNRT Arao Noe hatete, kona ba mosaun sensura ho destituisaun sira sei ezije
nafatin, haree ba parte 2 nee sei validu hela, tanba haree ba artigu 102
konstituisaun kompetensia ba komisaun permanente sei halao plenaria
extraordinaria atu foti desizaun.
Guilhermina Franco | Suara Timor
Lorosae
Sem comentários:
Enviar um comentário