DILI - Povu Tomak fo fiar nafatin
ba Xanana Gusmao atu sai xefe ekipa principal ba FM. Nunee moos iha esperansa
katak FM povu Timor Leste manan ona, tanba hetan esforsu makas husi lider
rezistensia Xanana Gusmao.
Lia fuan hirak nee hatoo husi
Sobervivente Masakre 12 de Novembru Epifanio Faculto ba STL iha nia knar fatin
Farol Dili Tersa, (6/2/2018). nia dehan tan katak Xanana nudar lider
rezistensia ida neebe uluk lidera funu to hetan nia ukun an, maibe iha nafatin
espiritu patriotizmu atu luta nafatin ba FM.
Tuir hau nia hanoin katak Maun
boot Xanana Gusmao nudar eis gerileiru ida neebe uluk lidera funu ida nee to
remata, no iha ukun an ida nee moos iha esperansa boot atu lidera ekipa
fronteira maritima nian neebe neebe iha tenpu badak atu asina akordu Timor Leste
no Australia nia, no fiar katak Timor Leste manan ona nia riku soin husi tasi
nian,” nia kualia.
Flarindo Coimba husi Assosiasaun
Combatentes Brigada Negra (ACBN) Flarindo Coimba dehan pozisaun Xanana Gusmao
nian iha tinan 1982 neebe liu husi karta aberta, konaba preokupasaun
rezistensia nian iha tempu neeba tanba nee nia iha responsabilidade atu
kontinua luta nafatin.
Konaba atu asina akordu FM iha
loron 6 de Marsu 2018 mai ida nee presiza maun boot Xanana invole iha VII
Governu no tenki iha tomada de pose husi Prezidente Republika lai, maibe komu
Xanana sedauk involve nudar membru governu entaun nia labele asina maibe nia
nudar xefe ekipa negosiador deit, maibe atu asina akordu entre TL no Australia
nee maka Agio Pereira tanba nia nudar membru governu.
Diretor Ezekutivu Fongtil Arsenio
Pereira da Silva dehan katak Xanana Gusmao atu involve iha Governu halo nusa
governu monu tiha ona. Tanba Xanana sai xefe ekipa principal nee liu husi
rejulusaun iha PN iha lejislatura dala tolu nian. tanba nee konsidera legal atu
reprezenta estadu TL.
Justinho Manuel | Suara Timor
Lorosae
Sem comentários:
Enviar um comentário