Rezidente sira iha enklave
timoroan hosi Oecusse-Ambeno agora ladún izoladu ona hafoin halo instalasaun
hosi kapasidade emisaun ba pasaporte biométriku iha kapital, evita nune'e atu
halo viajen to'o kapital nasaun nian, Díli.
"Ami iha ona kapasidade hodi
hasai pasaporte sira iha Maliana (sudeste Díli nian) maibé iha Rejiaun
Administrativu Espesial hosi Oecusse-Ambeno importánsia la hanesan tanba
rejiaun ne'e hanesan izoladu liu", esplika hosi ministra Justisa, Ângela
Carrascalão, ba Lusa.
"Hanesan prosesu ida hosi
desentralizasaun importante no hasoru nesesidade sira hosi populasaun
nian", nia fó hanoin.
Ministra relembra katak enklave
iha ona serbisu sira rejistu nian no notariadu nune'e dokumentasaun nesesáriu
sira ba pasaporte, inklui sertidaun batizmu, bele hetan lalais iha kapital
Pante Makassar.
Agora, populasaun sira bele hetan
pasaporte ida fásil liu no bainhira husu ho urjénsia bele hetan iha oras 24 nia
laran.
Aspetu importante ida hosi
dokumentu ne'e maka nia seguransa maka'as nune'e bele kombate fraude no
falsifikasaun sira, nia fó hanoin.
"Hanesan pasaporte dahitu
iha mundu iha nível seguransa nian, nune'e hamenus fraude ho falsifikasaun
sira", nia esplika.
Líder istóriku timoroan, Xanana
Gusmão, hetan ona iha fulan-Maiu liubá pasaporte biométriku dahuluk Timor-Leste
nian, dokumentu ne'ebé neineik sei troka pasaporte sira ne'ebé antigu liu.
Introdusaun hosi pasaporte foun
sira tama kleur ona iha planu iha Timor-Leste, Governu daneen aprova ona rejimi
jurídiku foun iha tinan 2016 no ajusta norma ba padraun internasional sira iha
fulan-Janeiru tinan 2017 nia rohan.
Tuir Ministériu Justisa,
Pasaporte Eletróniku Timor-Leste (PETL) nian hakarak "halo dokumentu ne'e
sai seguru liu, modernu no kompatível ho sistema sira ne'ebé uza hosi maioria
nasaun sira, fasilita sirkulasaun ba sidadaun timoroan sira".
Pasaporte eletróniku iha durasaun
tinan rua ba labarik sira ne'ebé seidauk to'o tinan 12, ba sidadaun sira ne'ebé
iha tinan entre 13 no 59 iha durasaun tinan lima no ba ema sira ne'ebé iha liu
tinan 60 iha durasaun tinan 10.
Folin ba emisaun normal (loron
10) maka dolar 50 (euro 40), ba emisaun loron tolu nia folin maka dolar 75
(euro 60) no ba emisaun oras 24 nia laran nia folin maka dolar 100 (euro 81).
Pasaporte sira ne'ebé liu ona
prazu bele rezova de'it ona ho sistema biométriku foun.
SAPO TL ho Lusa
Sem comentários:
Enviar um comentário