DILI, (TATOLI) – Serimónia
rituál tradisionál ne’ebé hamulak hosi reprezentante lia-nain sira hosi kada
munisípiu 12 hamutuk nain rua inklui Rejiaun Autónomu Espesiál Oe-kusi Ambeno
(RAEOA), ohin atu fó matak malirin ba partidu polítiku (ParPol) sira relasiona
ho kampaña eleitorál.
Serimóniia ne’e, Prezidente
Komisaun ba Nasionál (CNE-sigla portugés), Alcino Barris, iha abertura hatete
serimónia ne’e atu husu matak malirin, loke dalan ba lider ParPol hotu ne’ebé
la kleur atu hola parte iha kampaña no hakat ba votasaun.
Partidu hotu hanesan pilár
demokrásia ba nasaun nian hodi garante dezenvolvimentu nia kontinuidade.
Importante ba nasaun mak eleisaun
antesipada atu hala’o hikas liuhosi kampaña eleitorál iha loron 10 abril to’o 9
maiu no eleisaun iha 12 maiu hakarak la’o tuir prosedimentu no garante ambiente
ne’ebé livre ho rezultadu justu.
“Ohin jestu serimónia rituál atu
reforsa konviksaun partidu nian atu banati konstituisaun, lei ne’ebé vigor no
regra hirak ne’ebé estabelese iha nasaun”, katak iha abertura rituál
tradisionál iha CNE, Kaikoli.
Serimónia hetan hamulak no bua
malus atu hakat ba paktu unidade nasionál no sei hetan prezensa hosi Prezidente
RDTL.
Jestu serimónia rituál halo
bebeik ona, dezde 2012, momentu ne’ebé ameasa oioin iha festa demokrásia maibé
kuandu implementa serimónia rituál la hatudu konfrontasaun.
Jornalista: Zezito Silva | Editora:
Rita Almeida
Imajen: Serimonia rituál antes
kampaña eleitorál ne'ebé hala'o iha jardim CNE, Kaikoli, ohin. Foto
Tatoli/Zezito Silva
Sem comentários:
Enviar um comentário