DILI, (TATOLI) – Xefe
Departamentu Fini Ministériu Agrikultura no Peska (MAP), Fernando Soares,
hatete baibain distribuisaun fini ba agrikultór sira halo iha outubru ba leten,
maibé époka daruak 2018 ne’e lahalo, tanba fini limitadu, nune’e atende balun
de’it.
“Maibé daudaun ne’e produsaun
fini komersiál ne’ebé ANAPROFIKO (Asosiasaun Nasionál Produtór Fini Komersiál)
prodús ne’e hamutuk tonelada 139,44” ,
Fernando afirma iha Komoro, ohin.
Fernando dehan planu inísiu
ministériu atu hola fini hare, batar, fore-rai tonelada 100, maibé depende ba
orsamentu, tanba daudaun ne’e utiliza duodésimu no aloka de’it atu hola
tonelada 20 nune’e problema boot.
“Asosiasaun ANAPROFIKU prodús
barak depois posibilidade orsamentu ministériu hola atu halo subsídiu ba
agrikultór ne’e mak limitadu, entaun ami parte tékniku preokupadu tebes. tanba
ita-nia produtór sira bele lakon espíritu atu kontinua prodús no ida mós nia
membru sira balun bele taka, tanba sira kontinua prodús, maibé rendimentu ba
sira laiha”, katak.
Nia haktuir utilizasaun orsamentu
duodésimu daudaun ne’e susar atu sosa fini, nune’e atubele fornese fini ba
agrikultór sira maka ministériu iha fini sertifikadu ne’ebé ladún barak.
“Ba ANAPROFIKU ha’u sempre fó
hatete ba sira, ministériu sei lamout no tenke mantein opozisaun nu’udar
produtór fini komersiál ho situasaun difisil agora ne’e no tempu ida sei normál
filafali, entaun tenke firme nafatin prodús no departamentu tenke iha fini
sertifikadu nafatin para distribui”.
Jornalista: Maria Auxiliadora | Editora:
Rita Almeida
Imajen: Batar. Foto/Google.
Sem comentários:
Enviar um comentário