Governu timoroan garante iha
loron-segunda ne'e katak ex-ministra Finansas nian Emília Pires, kondenada
tinan hitu iha prizaun, alvu ba mandadu kaptura no agora daudaun hela iha
Portugal, la iha kargu ida iha Estadu dezde fulan Novembru 2016.
Garantia ne'e fó iha
loron-segunda ne'e hafoin notisia iha imprensa timoroan nian ne'ebé maka refere
katak Emília Pires - ne'ebé maka nia julgamentu seidauk tranzita no sai alvu ba
rekursu ne'ebé seidauk desidi - kontinua asesora Ministeriu Finansas nian.
Agostinho Castro, xefe gabinete
Komunikasaun no Informasaun Ministeriu Finansas nian, hatete katak Emilia
Pires, ne'ebé kondenada iha fulan Dezembru 2016 tanba krime partisipasaun
ekonómika iha negosiu, husik nia ligasaun ho Estadu iha final tinan ne'e.
Iha loron-segunda ne'e refere mós
iha konferénsia imprensa, hafoin husik funsaun hanesan ministra iha inisiu
tinan 2015, Emília Pires asume funsaun hanesan asesora Ministeriu Finansas nian
iha área ba reforma jestaun nian.
Iha fulan Novembru 2016, esplika
Agostinho Castro, ex-ministra "demiti hosi kargu sira hotu hanesan
asesora", no aprezenta karta ofisial demisaun nian iha loron 13 Dezembru,
semana ida nates leitura ba nia sentensa.
"Agora daudaun, ex-ministra
Finansas Emília Pires la asume naran kargu ida iha Ministériu Finansas
nian", hatete.
Iha loron 20 Dezembru Emília
Pires no Madalena Hanjam, ex-vise-ministra Saude nian, kondenada tinan hitu no
hat iha prizaun tanba krime sira partisipasaun ekonómika iha negosiu, ne'ebé
maka sira nain rua absolvida ba krime administrasaun danoza.
Ex-governante na'in rua ne'e
kondenada tanba iregularidade sira iha sosa kama ospitalares atus resin iha
kontratu rua (A no B) adjudikadu ba empreza Emilia nian laen nian, ho supostu
konkluiu entre sira na'in tolu hodi konkretizasaun negosiu ne'e, ho valor
dolares rihun 800.
Sentensa ba prosesu ne'e, ne'ebé
maka tranzmitidu liu iha istória sistema judisial timoroan , lé iha Tribunal
Díli no la iha prezensa iha sala Emília Pires ne'ebé maka, tuir nian defeza,
simu hela kuidadu médiku iha Portugal.
Iha inísiu fulan ne'e, Tribunal
Dili nian emiti mandatu kaptura ba Emília Pires, ne'ebé maka iha nasionalidade
timoroan, portugueza no australiana, no sei detida se karik tama iha naran
fronteira sira timoroan nian.
Timor-Leste la iha naran akordu
estradisaun ho nasaun sira seluk tanba ne'e Emília Pires labele transfere hosi
Portugal, maibé Tribunal Rekursu kontinua analiza rekursu sira ne'ebé aprezenta
kontra desizaun hosi Ministériu Publiku no mós hosi defeza.
Kazu ne'e refere fila fali
durante debate foin lalais Orsamentu Jeral Estadu nian (OJE) ho deputadu sira
husu fali estradisaun ne'e.
SAPO TL ho Lusa
Sem comentários:
Enviar um comentário