Ekonomia timoroan hahú fó fali
ona sinal retoma nian iha gastus publikus, hafoin fulan 18 kontrasaun ne'ebé
maka emprezariu sira gasta hotu depozitu sira no rekore ba emprestimu, hatete
responsevel banku australianu ANZ nian iha Dili, iha loron-segunda ne'e.
Bainhira intervén iha debate
ekonomiku iha Dili, Andrew Young hatete katak iha sinal iha nian kliente sira
nian konta katak "osan publiku hahú lao fali ona", maski sei demora
"fulan falun" too impaktu sira ne'e bele sente iha setor sira hanesan
komérsiu kiik sira, ne'ebé maka afetadu liu iha situasaun ekonomika atual ne'e.
Young subliña katak kliente sira
banku nian reporta konsumu ne'ebé tun 15%, liu-liu entre grosiran no komersiu
kiik sira, ne'ebé maka "luta makas iha fulan 18 ikus ne'e tanba redusaun
ba gastu publiku sira". Setor konstrusaun nian mós ida ne'ebé afetadu
hotu.
Ida ne'e halo depozitu sira tun
15% - ho emprezariu no sidadaun sira rekore ba poupansa sira hodi bele mantein
empreza no famila sira - no aumentu ida emprestimu sira.
Emprezariu sira ne'ebé rona hosi
Lusa admiti katak tenki rekore ba kréditu hodi finasia sira nian empreza sira
bainhira, iha kazu barak, hein ka pagamentu divida sira Estadu nian atraza ka
aranke ba projetu foun.
Young la refere kestaun ne'e,
komenta de'it katak "reziliénsia" hosi emprezariu barak, liu-liu
timoroan sira, ne'ebé maka poupansa hodi aguenta embate ekonomiku ne'e.
Young nian komentariu sira ne'e
halo iha debate ida organiza hosi Banco Mundial iha okaziaun ba aprezentasaun
relatoriu ida konabá ekonomia timoroan, iha loron-segunda ne'e, iha Dili.
Intervén iha enkontru ne'e, Roy
Trivedi, responsavel ONU nian iha Timor-Leste, defende katak nesesidade ba
"estratejia urjente ida ba setor kafe nian", uniku produtu laos
petroliferu esportadu hosi nasaun ne'e.
Kestaun seluk maka nesesidade
hodi komprende dinámika remesa sira ne'ebé haruka hosi emigrante timoroan sira
iha nasaun oioin no, no ba familia barak, unika no prinsipal fonte rendimentu,
no forma oinsá bele halo hodi haforsa ekonomia, hatete.
Trivedi refere mós ba nesesidade
sira hodi iha tan informasaun sira konabásaida maka projetu ho kustu boot ba
nasuan, liu-liu dezenvolvimentu no esplorasaun posu Greater Sunrise no gazodutu
no refinaria iha kosta sul.
"Ita presiza iha analize
di'ak ida hodi hare empregu hira maka projetu ne'e sei jere, se maka sei jere
no oinsá rekupera investimentu ne'ebé naka halo ne'e", hatete.
Responsavel ONU nian fó hanesan
ezemplu saida maka akontese ho gazodutu ba Darwin - ne'ebé maka investimentu
dolares billiaun 50 jera empregu hamutuk rihun 10 iha faze konstrusaun nian -
ho de'it ema na'in 420 maka agora ne'e serbisu.
Charles Scheiner, hosi
organizasaun La'o Hamutuk, mós hatoo ninian preokupasaun konabá projetu ne'ebé
maka sei gasta barak Fundu Petroliferu nasaun nian "lalais liu hosi ne'e
maka fofoun ne'e previstu", bele kusta hamutuk dolares billiaun 10.
Scheiner hatete katak falta
informasaun, maibé ne hanesan iha vontade ida hodi "hatun nasaun
ne'e".
Iha resposta ba ne'e, Helder
lopes, ne'ebé maka indijitadu ba ministru Finansas ba atual Governu maibé nunka
too ba toma pose, hatete katak parte hosi informasaun kontinua
"konfidensial", maibé parte boot sei fó sai ba publiku iha enkontru
ida iha Dili iha loron 08 Dezembru.
SAPO TL ho Lusa
Sem comentários:
Enviar um comentário