DILI - Prezidente Republika
Francisco Guterres Lu Olo, neebe akompana hosi espoza Cidalia Nobre Guterres,
Partisipa misa agradesementu proklamasaun independensia ba dala 43, iha igreja
Motael, Dili.
Hafoin remata misa Prezidente da
Republika Francisco Guterres Lu Olo ba jornalista sira katak, Mai misa
agradesimentu loron 28 Novembru nian hodi husik hela orasaun ruma, atu bele
relembra fila fali heroi sira neebe mak fo sira nia isin no ran ba rai ida nee
hodi hetan independensia.
"Ita neebe mak sei moris tenke
servi ita nia maluk sira neebe mak hanesan ita, ho domin, paz, estabilidade no
justisa,” dehan PR Lu Olo, ba jornalista sira, iha igreja Motael, Dili, Tersa
(27/11/2018).
Xefe Estadu dehan, proklamasaun
independensia ida nee hola parte tomak konaba estratejia ida, neebe mak
FRETILIN halo iha altura neeba iha tinan 1975, para lori rai ida nee ba oin
hanesan nasaun soberanu no independente.
Entretantu Prezidente Komisaun
Organizadora loron 28 Novembru atual Vise Ministru Administrasaun ESTATAL
Abilio Caetano hatete komemora misa agradesementu proklamasaun independensia
bad ala 43 iha ita nia nasaun, no ohin mos ita simu kbiit no bensan husi aman
maromak, tanba nudar sidadaun, nudar sarani ita hotu partisipa iha selebrasaun
eukaristia ida nee, nudar asaun de grasa hodi agradese ba nai maromak.
Notisia kompletu lee iha jornal
STL edisaun Kinta (29/11/2018)
Carme Ximenes | Suara Timor
Lorosae
Sem comentários:
Enviar um comentário