Timor-Leste sosa partisipasaun Shell nian iha petrolifera Greater Sunrise

Governu timoroan asina iha loron-kuarta ne’e ho petrolífera Shell ba sosa ho dolares millaun 300 partisipasaun empreza nian iha konsorsiu iha kampu sira Greater Sunrise, ne’ebé maka pasa hodi asumi maoria iha kapital.

Akordu ba sosa no faan ne’e asina hosi representa espesial Timor-Leste nian, Xanana Gusmão, no prezidente ezekutiva Shell Australi nian, Zoe Yujnovich, iha illa indonezia Bali.

Sosa partisipasaun 26,56% Shell nian, ne’ebé sei depende ba aprovasaun Governu nian no Parlamentu timoroan nian no regulador sira, soma hamutuk ho partisipasaun 30% ne’ebé hetan hosi ConocoPhilips, ne fó ba Timor-Leste maioria ida ho 56,56% iha konsorsiu.

Konsorsiu ba kampu petrolifera sira Greater Sunrise, iha Tasi Timor nian, lideradu hosi australiana Woodside, operadora (ho 34,5% iha kapital), no inklui ConocoPhilips (30%), Shell (28,5%) no Osaka Gas (10%).

Valor final operasaun nian, dolares millaun 300, ne’ebé akordadu iha ronda negosial ba dala ikus iha loron-kuarta ne’e, tempu antes ba asinatura akordu ne’e, hatete partisipante sira iha negosiasaun ne ba Lusa.

"Timor Leste apresia Shell nian disponibilidade hodi faan ninian interese iha projetu Greater Sunrise”, hatete Xanana Gusmão.

"Shell nian atitude durante negosiasaun hatudu katak sira preparada hodi konsidera laos deit ba sira nian interese komersial, maibé mós interese nasaun kiik sira nian”, subliña.

Zoe Yujnovich konsidera katak sosa ne’e sei permiti Governu timoroan no ba perseiru sira seluk konsorsiu nian hodi avansa iha objetivu sira konabá sosa petrolifera Greater Sunrise nian.

"Ami respeita determinasaun Governu Timor-Leste nian hodi dezenvolve kampu Sunrise sira liu hosi unidade GNL (gás natural likefeitu) ida iha rai iha kosta súl. Maski ami iha opiniauan ne’ebé la hanesan konabá senáriu ne’ebé di’ak iha desenvolvimentu, ami komprende prioridade sira ba Governu Timor-Leste nian no ami dejeza ézitu iha buska ba sira nian aspirasaun sira hodi dezenvolve rekursu importante ne’e ba nasaun”, hatete.

Hosi Shell nian parte, faan ne’e iha sintonia ho “estretejia global hodi reformula Shell hanesan empreza ida simples no reziliente”.

Akordu ne’e asina iha hotel iha iha zona Nusa Dua, iha Bali, no konkretiza hosi semana barak iha negosiasaun.

Iha asinatura ne'e, marka prezensa hosi, prezidente Timor Gap, Francisco Monteiro, prezidente Autoridade Nasional Petroleu no Mineral nian, Gualdino da Silva, ministru indijitadu na'in rua iha VIII Governu, ALferdo Pires (ne'ebé maka tuir lolos asumi pasta Petroleu no Minerail nian) no Helder Lopes (ne'ebé maka tuir lolos asumi pasta finansas nian).

Hodi finansia operasaun ConocoPhilips nian, foin lalais ne'e Parlamentu timoroan aprova alterasaun ida iha lejislativa ba diploma konabá operasaun petrolifera sira hodi tau fin ba limite 20% ba partisipasaun másima ne'ebé maka Estadu bele hetan iha operasaun petrolifera sira.

Alterasaun ne'ebé maka introduz mós exesaun ida ba rejime vistu préviu Kámara de Kontas nian, agora ne'e iha Prezidénsia Republika hodi promulga.

Nia objetivu fofoun maka hodi permiti Estadu konkretiza liu hosi petrolifera Timor Gap, sosa partisipasaun Conocophilips nian iha konsorsiu Greater Sunrise ho dolares millaun 350.

Metodu ne'ebé hanesan, rekore ba Fundu Petrolifera hodi konkretiza operasaun hanesan investimentu, tenki tuir operasaun ne'e.

Kampu sira Greater Sunrise nian iha rezerva sira estimada ho trilliaun 5,1 pés kubikus gás no lokalizadu iha Tasi Timor, besik kilometru 150 hosi sudeste Timor-Leste no kilometru 450 hosi noroeste Darwin, iha Australia.

SAPO TL ho Lusa