Iha loron-kuarta ne'e, Governu
aprova ona mudansa sira iha lideransa hosi entidade ne'ebé kaer aeroportu sira
nasaun nian nune'e mós hosi autoridade ne'ebé regula aviasaun sivil, anunsia
hosi ezekutivu iha komunikadu.
Proposta sira hosi mudansa iha
membru sira hosi Konsellu Administrasaun hosi Aeroportu sira ho Navegasaun
Aéreu Timor-Leste (ANATL) nian ho Autoridade Aviasaun Sivil Timor-Leste (AACTL)
nian ba períudu 2020 to'o 2024 aprezenta ona hosi ministru Transporte ho Komunikasaun,
José Agustinho da Silva.
José Trindade da Cruz Pinto
nomeia ona ba kargu hosi Prezidente Konsellu Administrasaun ANATL nian, empreza
públika ne'ebé hanesan responsável ba jestaun ho administrasaun hosi serbisu
públiku aeroportuáriu ho navegasaun aéreu hosi apoiu ba aviasaun sivil iha
Timor-Leste.
Ba kargu sira vogal nian nomeia
ona Lurdes Gomes ho Eusébio da Costa Lopes, ho proposta hosi Ministériu
Transporte ho Komunikasaun, Veríssimo Nai Sai, ho proposta hosi Ministériu
Finansa ho José de Oliveira Leong, ho proposta hosi traballador sira.
Iha kazu hosi AACTL, aprova ona
demisaun hosi responsável anterior sira ho nomeasaun hosi Eusébio Freitas ba
kargu prezidente organizasaun nian "ne'ebé iha misaun hodi garanti
seguransa hosi sistema transporte aéreu nian".
Vogal sira ne'ebé hetan
nomeiasaun maka Domingos Savio de Jesus Sarmento, ho proposta hosi Ministériu
Transporte ho Komunisaun, ho Geovanio M.R. Hei Henriques, ho proposta hosi
Ministériu Finansa.
Sapo TL | Lusa
Sem comentários:
Enviar um comentário